南瀛水產

日本風情之《南瀛水產》餐廳位置非常方便，上地鐵站一分鐘都唔洗，餐廳維修有日式居酒屋風格，環境昏暗有feel，而且酒種類繁多，職員介紹每日食材由日本直送，所以非常新鮮，蟹味噌甲羅燒：成隻蟹蓋好多蟹膏、蟹肉、蟹籽，面頭仲有隻鵪鶉蛋，職員會幫手燒，燒後聞到好香，入口幼滑，蟹膏有味鹹香味，口感綿綿。刺身魚：刺身色澤透亮，入口味鮮，口感爽滑。刺身沙律： 酸酸微微好開胃， 刺身粒份量多，沙律菜翠綠。玉子豆腐：視覺上幼滑，入口一樣細滑，味道非常有蛋香，有驚喜。炸池魚仔：全部都大條，唔會細細條炸到好似得魚乾咁，可以原條連骨食。黑松露鰻魚卷：擺盤美觀，黑松露味非常香，鰻魚入口即溶，師傅好細心唔會包得太大舊，一啖一口，味道豐富。雲舟蟹肉卷：擺盤同樣精美，蟹肉同海膽非常多，蟹肉鮮甜。總結訂枱嘅時候有同餐廳講係慶祝朋友生日，所以上甜品時，餐廳已經自動插座生日牌同埋送上蠟燭非常有心，整體食物質素非常高，而且職員招呼週到。