漁獲浜燒 (Closed)

做完一日嘢同女朋友嚟到呢間有日本風味浜燒海鮮小店食晚飯 叫咗支清酒 入口香醇 而且店員仲畀咗個冰壺 啲冰係另外裝住唔會溝淡酒味 叫咗個鹽漬螢光魷魚 鹹鹹地 作為前菜都幾好而我都幾欣賞呢個黑松露炙燒平目魚邊沙律 黑松露醬味濃 平目魚灸燒後香口而且油脂好夠 所以好滑 沙律裏面溝咗啲甜酸汁 配埋牛油果沙律菜等 非常開胃叫咗幾款海鮮 特別要講下帶子 因為店員好細心咁一個用清酒煮一個用牛油燒 一種海鮮食到兩個口味 而且所有海鮮都非常新鮮鮮甜大家如果鍾意食燒海鮮 呢個地方都幾適合同朋友嚟傾下偈飲下酒食下嘢