牛品台式火鍋

Open Now

Now Closed

今日突然想打打邊爐所以就嚟到尖沙咀牛品台式火鍋。要食緊係食最好啦，我地揀左最貴嘅套餐D 餐牛殿品，要左個鴛鴦湯底一邊係牛品一品鍋另一邊係元氣養生鍋，我覺得兩個湯底 都超正，不過因為我地食靚牛，其實食清清地嘅湯底會更突出靚牛嘅味道，所以我覺得元氣養生鍋同佢嘅日本鹿兒島嘅A4和牛更加配搭。佢黎個餐係包一個海鮮拼盤同棒棒貢丸，認真講佢個海鮮拼盤真係好豪華鮑魚帶子蠔同蝦樣樣齊，佢嘅棒棒貢丸都好得意超大粒。佢嘅日本鹿兒島A4 和牛真係無得輸，啲雪花靚到一個點，至於佢澳洲M9和牛其實都唔差。成個放韪餐除咗有menu可以點嘅嘢食之外, 出面自助吧仲有超多野揀，而且野飲都有好多選擇，仲可以加錢叫樓下嘅春陽茶事。佢啲蔬菜吧嘅菜都好新鮮。如果中意食台灣芋圓涼粉冰之類黎間野真係最好嘅選擇，佢仲有一個自助吧位可以自己夾唔同既配料。如果想說食雪糕佢黎度雪糕仲要係高級嘅Häagen-Dazs雪糕。