Video
Read full review
2023-07-24
24 views
[ 日本靚和牛火鍋任食放題✨]知道旺角一向都多好野食，今日心思思想搵間抵食又好食既打邊爐放題，估唔到又搵到一間咁高質既餐廳！呢間叫一鍋堂既餐廳係瓊華中心6樓，位置非常方便，經常去旺角既朋友就一定唔會陌生啦。餐廳晚市提供A B C三個套餐，最貴既C套餐 - 高級日本&澳洲和牛放題正價時段都只係$308，就已經有齊哂牛、豬、雞肉、各款海鮮、丸類同蔬菜既任食選擇，呢個價錢係出面同類型既放題餐廳搵到既真係唔多，所以係非常抵食，今日亦都叫咗呢個套餐試下。一坐低店員就會幫手落咗個湯底先，淨係湯底都已經有15款咁多，真係睇到眼花瞭亂。今次就叫咗個沙爹湯試試。湯底唔會太稠或者濃郁，但係都聞到好香既沙爹味。除咗用手機掃QR code落單之外，係自助吧亦都有唔少既火鍋配料可以拎。飲品方面都係有任飲既飲品可以自己拎，款式唔少。另外餐廳仲有提供自助雪糕機同醬料吧。🎈 日本產黑毛和牛作為只得C餐先會出現既主角，當然一定要試下個日本黑毛和牛啦。雖然只係放題，但呢款和牛既質素真係好唔錯！油花好靚好均勻，只係輕輕淥幾秒，見到牛肉仲有少少粉嫩嘅紅色就食得。真係好好食！除咗食到和牛本身既油脂味之外，牛肉味都好濃，最後都忍
知道旺角一向都多好野食，今日心思思想搵間抵食又好食既打邊爐放題，估唔到又搵到一間咁高質既餐廳！呢間叫一鍋堂既餐廳係瓊華中心6樓，位置非常方便，經常去旺角既朋友就一定唔會陌生啦。餐廳晚市提供A B C三個套餐，最貴既C套餐 - 高級日本&澳洲和牛放題正價時段都只係$308，就已經有齊哂牛、豬、雞肉、各款海鮮、丸類同蔬菜既任食選擇，呢個價錢係出面同類型既放題餐廳搵到既真係唔多，所以係非常抵食，今日亦都叫咗呢個套餐試下。一坐低店員就會幫手落咗個湯底先，淨係湯底都已經有15款咁多，真係睇到眼花瞭亂。今次就叫咗個沙爹湯試試。湯底唔會太稠或者濃郁，但係都聞到好香既沙爹味。除咗用手機掃QR code落單之外，係自助吧亦都有唔少既火鍋配料可以拎。飲品方面都係有任飲既飲品可以自己拎，款式唔少。另外餐廳仲有提供自助雪糕機同醬料吧。
🎈 日本產黑毛和牛
作為只得C餐先會出現既主角，當然一定要試下個日本黑毛和牛啦。雖然只係放題，但呢款和牛既質素真係好唔錯！油花好靚好均勻，只係輕輕淥幾秒，見到牛肉仲有少少粉嫩嘅紅色就食得。真係好好食！除咗食到和牛本身既油脂味之外，牛肉味都好濃，最後都忍唔住encore幾次先夠喉，超級大滿足！😋😋
🎈 封門柳
封門柳係好多地方都唔會有任食，只係得單點。估唔到呢到會有任食咁正！牛肉鬆軟，不過牛肉味好濃，鐘情食封門柳既人就不容錯過啦。
🎈 手切牛脊肉
呢款肉都好有驚喜！外貌睇上去雖然有啲厚，但煮熟之後原來係好滑同有肉味，值得一讚。
🎈 牛舌
🎈 醬爆瀨尿牛丸
另外試咗幾款牛/牛丸，都各有特色，而且質素都係唔差。
🎈 西班牙依比利亞黑毛豬
除咗各個唔同部位既牛肉之外，仲有幾款豬肉可以叫黎食。呢款西班牙依比利亞黑毛豬就真係食得過啦。薄切得黎都保留到黑毛豬獨特既甜味，相當之好食。
🎈 鮮豬肝
豬肝切得好大塊，份量好多，而且食得出好新鮮。唔錯！
🎈 半殼帆立貝
如果食得太多肉類既話，不妨試下啲海鮮。餐廳連半殼既帆立貝都係任食，帆立貝粒粒都好大，而且入口好甜同鮮味十足。
🎈 手串生猛海蝦
海蝦係一串串咁串起哂，食起黎好方便。海蝦新鮮生猛，夠哂鮮嫩同多汁，肉質亦都彈牙爽口，好食！
🎈 手作菠菜皮韭菜餃
呢款韭菜餃既餃子皮係用菠菜皮造，食得出淡淡既菠菜味，夠哂特別，而且皮薄餡靚，推薦
Post
