麵屋一燈 (Closed)

今日朋友仔又帶我食好西，今次仲要係我同佢最鐘意既拉麵，真係不得了。麵屋一燈，依個名，係拉麵界，應該冇乜人唔識，佢係日本連續五年得獎既名店，同普通店真係無得比嫁。特製濃厚魚介沾麵$168沾麵賣相好靚仔，擺放得整整齊齊，合乎日本人水準。沾麵湯超濃超入味， 魚介湯底係用雞湯煮八小時，然後加五種魚介製成，非常甘甜，超正呀。入面仲有兩粒雞丸，鬆軟好特別。沾麵好有囗感，嚼勁好高，而且麵香好足，日本過江龍果然係唔同，激正。