今日森仔放左工，久違的和女朋友去食左餐飯。
見尖沙咀附近有間幾出名同多好評既日本🇯🇵餐廳就去試一試！
餐廳🍴名叫黑門水產😂係大阪黑門市場入貨？😂唔知。不過從外表睇，有d睇日本既磯丸水產🙈🙈🙈
先講下環境先，餐廳🍴位於棉登徑附近，近尖咀西鐵出口。
一入餐廳🍴，就如去到日本🇯🇵居酒屋般。
入面既裝潢有各種日本裝潢物，又有日本黑門市既路牌，十分地道。
當中亦有各種日本酒，居酒屋🏮感覺👍🏼👍🏼
而座位亦寬闊，不會很擠迫。
坐得舒適之餘，亦方便談天！讚👍🏼
至於食物方面，我地叫左海膽蟹味噌甲羅燒，三文魚活火山，赤鬼海老天反卷，牛肉壽喜燒加烏冬😊😊
海膽蟹味噌甲羅燒
這個亦是餐廳嘅招牌菜之一。
入邊有飛魚子，鵪鶉蛋，海膽，和蟹膏等
溝均後再放上燒爐上燒熟！
味道很rich，滿有特色！
餐廳亦提供了梳打餅，配上來食，更加一流！
三文魚活火山
三文魚活火山內裏是有數件壽司卷，而外層則舖滿了一層三文魚，再配上大量三文魚籽子😊配上沙拉🥗醬，正丫！
外觀影相一流，不過味道就沒有什麼特別。
赤鬼海老天反卷
這個係重點推介之一，十分特別！
這個燒蝦特色反卷，內裏包着新鮮炸起的天婦羅🍤蝦再滿佈了三文魚子於上面。當中爽爽脆脆的口感，正到爆👍🏼
而這個香辣嘅醬汁，更令人十分開胃，搭配得起，讚🤓👍🏼
牛肉壽喜燒加烏冬
牛肉係日本🇯🇵靚牛，油脂分佈得幾好，不是一般既肥牛，濃濃的牛味。
而壽喜燒的湯底，亦調味很好，不會過甜和過咸！
而入面亦都有很多配料，金茹，冬茹，菜和紅羅白等等👍🏼👍🏼
三者配合，十分相夾，令人食指大動😊
再加上個彈牙烏冬，正丫喂！
烏冬是讚歧烏龍麵，所以很正，有保證🤓🏮
