Video
Read full review
2018-11-15
1757 views
關乎銀包和肚腩既原故, 一年又食到幾多次貴價日本燒肉? 所以識揀識食至重要, 今次我就總結自己既經驗希望可以幫到大家揀心水燒肉店。整體: 響的燒肉主打係牛肉, 牛肉絕大部份係和牛級, 其次主打係海鮮, 夜市放題送新鮮高檔既鮑魚, 蠔, 翡翠螺, 亦有清酒梅酒同刺身/前菜/ 炸物/ 鍋物/雪糕等。 種類好多, 大部份屬高質貨。裝修: 餐廳裝修很有日式和風的感覺, 原來其中一個餐廳股東係室內設計師, 另外也有展示國寶級大師的書法, 感覺高檔。最平時段: 和牛放題最平既時間係星期日至四要係 8點半前結帳。 $408 成人, $198小童 (80cm-130cm). 留意: 通常日本放題小童都係計90cm或者95cm, 呢間計法有d唔同。入口: 餐廳係珀軒既1樓, 地面有招牌睇清楚先搭lift。 (第一次唔小心入左人地住宅搵唔到餐廳) 食麥先? : 一坐低, 餐廳就按人頭準備左三盆 : 刺身, 燒肉拼盤, 海鮮拼盤。 以上三款食完都飽左一半, 但未食之前都要寫定紙要天婦羅, 因為所有天婦羅都好正, 特別係蝦同榴槤炸燀。試左螺肉,泡菜同和牛沙律都唔抵食, 如果用quota食枝豆,烏冬和豆腐鍋都唔
整體: 響的燒肉主打係牛肉, 牛肉絕大部份係和牛級, 其次主打係海鮮, 夜市放題送新鮮高檔既鮑魚, 蠔, 翡翠螺, 亦有清酒梅酒同刺身/前菜/ 炸物/ 鍋物/雪糕等。 種類好多, 大部份屬高質貨。
裝修: 餐廳裝修很有日式和風的感覺, 原來其中一個餐廳股東係室內設計師, 另外也有展示國寶級大師的書法, 感覺高檔。
最平時段: 和牛放題最平既時間係星期日至四要係 8點半前結帳。 $408 成人, $198小童 (80cm-130cm). 留意: 通常日本放題小童都係計90cm或者95cm, 呢間計法有d唔同。
入口: 餐廳係珀軒既1樓, 地面有招牌睇清楚先搭lift。 (第一次唔小心入左人地住宅搵唔到餐廳)
食麥先? : 一坐低, 餐廳就按人頭準備左三盆 : 刺身, 燒肉拼盤, 海鮮拼盤。
以上三款食完都飽左一半, 但未食之前都要寫定紙要天婦羅, 因為所有天婦羅都好正, 特別係蝦同榴槤炸燀。試左螺肉,泡菜同和牛沙律都唔抵食, 如果用quota食枝豆,烏冬和豆腐鍋都唔抵, 要留返食海鮮同和牛呀。
個爐係圓形, 中間最熱。 如果肚餓既話就先燒最薄身既和牛和豬肉拖羅先。 5分鐘就熟哂。
食得安心: d海鮮係好高檔, 但一定要確保全熟先好放落水。 特別係螺, 鮑魚和蠔。 要熟到海鮮面乾身, 用筷子好易夾起成塊肉先至得。 有懷疑都係燒多幾分鐘至好。
牛肉就以牛肋骨最厚肉同有骨, 要燒耐d。
最回本: 刺身帶子, tuna和蝦。 燒肉就澳洲和牛最正。 飲料就清酒梅酒最清甜。 雪糕梗係movenpick喇,冇哂心水口味可以叫侍應補充返。
甜品: 呢個見到就冇試過直接skip左, 唔駛試。
現場氣氛好好, 侍應勤快, 祝大家食得開心盡興。
Post
