鹿角巷 (Closed)

open kitchen睇住店員冇停過手。不過都等左差不多半個鐘飲品先到手。店入面有插頭俾人充下電。加分。第一次飲跟佢建議正常甜度冰度。仲跟足佢建議飲法。先直接飲一啖。一啖入面先係感受到凍嘅奶。之後就係熱嘅黑糖珍珠。幾特別得黎又飲到黑糖香味。不過就太甜啦。所以之後就搖勻佢黎飲。都仲飲到好濃奶味。不過都係愈飲愈甜。要解渴杯野就一定幫唔到手。珍珠質素幾高。可能因為本身鍾意偏軟入味嘅珍珠。整體味道不錯。少啲甜應該會更好。不過甜度呢啲野都係好個人化。但係要用呢個價錢買杯日本奶加黑糖珍珠。性質比真係唔高。試過就好了。