Video
Read full review
2023-02-13
77 views
最近發現有間燒肉店開咗係銅鑼灣，係食日本和牛放題架，所以就同老公去食吓，順便拍吓拖放吓閃🤣。餐廳裝修好有日本格調，店員安排我哋坐喺玻璃旁邊，景觀開揚，我哋叫咗宮崎A5櫻花牛極上放題$998/位（120分鐘），店員首先送上和牛拼盤，拼盤包含10款宮崎 A5櫻花牛（西冷或肉眼扒 廚師發辦）、前腿肉、壽喜燒、和尚頭、肩里肌、牛肋肉、五花腩、肩口肉、內後腿肉、外後腿肉。西冷/肉眼、壽喜燒會由店員幫忙燒，燒時熊熊烈火，可惜忘記影相🤣 。❤️西冷油花分佈平均，店員建議最佳食用熟度為6-7成，因為油花好足夠，所以6-7成都唔會太熟，牛味濃郁，食落軟淋😋。❤️壽喜燒-店員會將日本雞蛋打在壽喜燒汁內拌勻，然後將壽喜燒和牛片燒至7成熟，再沾上壽喜燒汁給客人享用。壽喜燒汁甜而不漏，加上櫻花牛簡直係絕配💯。❤️ 和尚頭質地軟嫩，好有口感，真係好好食😋。以上3款及前腿肉，如果想再食，就需要加💰再叫。肩里肌、牛肋肉、五花腩、肩口肉、內後腿肉、外後腿肉油花都非常均勻，嫩滑之餘又入口即溶，齒頰留香。食完可以再任點，晏晝飯都未食，就係為咗呢個時候🤣店員建議由油花比較少開始食。調味料方面提供了4款，櫻花鹽，如果想減少油膩感，可
餐廳裝修好有日本格調，店員安排我哋坐喺玻璃旁邊，景觀開揚，我哋叫咗宮崎A5櫻花牛極上放題$998/位（120分鐘），店員首先送上和牛拼盤，拼盤包含10款宮崎 A5櫻花牛（西冷或肉眼扒 廚師發辦）、前腿肉、壽喜燒、和尚頭、肩里肌、牛肋肉、五花腩、肩口肉、內後腿肉、外後腿肉。
西冷/肉眼、壽喜燒會由店員幫忙燒，燒時熊熊烈火，可惜忘記影相🤣 。
❤️西冷
油花分佈平均，店員建議最佳食用熟度為6-7成，因為油花好足夠，所以6-7成都唔會太熟，牛味濃郁，食落軟淋😋。
❤️壽喜燒-店員會將日本雞蛋打在壽喜燒汁內拌勻，然後將壽喜燒和牛片燒至7成熟，再沾上壽喜燒汁給客人享用。壽喜燒汁甜而不漏，加上櫻花牛簡直係絕配💯。
❤️ 和尚頭
質地軟嫩，好有口感，真係好好食😋。
以上3款及前腿肉，如果想再食，就需要加💰再叫。
肩里肌、牛肋肉、五花腩、肩口肉、內後腿肉、外後腿肉油花都非常均勻，嫩滑之餘又入口即溶，齒頰留香。食完可以再任點，晏晝飯都未食，就係為咗呢個時候🤣
店員建議由油花比較少開始食。調味料方面提供了4款，櫻花鹽，如果想減少油膩感，可以選擇配搭wasabi，燒汁係由廚師特別調配，另外一種唔記得咩汁🤣。
❤️宮崎肉本舖和風沙律
配料有蕃茄仔、沙律菜、甘筍絲、蟹子、芝麻、醋等，食落清新開胃，減少油膩感
❤️胡麻豆腐菠菜沙律
滑滑豆腐配菠菜、木魚絲及胡麻醬，好好食，呢個配搭連菠菜食，好有特別口感，我叫咗兩次😆超推⭐️
❤️蟹味噌甲羅燒（2人份）
有滿滿的蟹膏及蟹籽😍
食法：首先將鵪鶉蛋倒落蟹膏內，用筷子拌勻，放在爐上燒至少許出煙，拎起再拌勻，再放落爐再燒至熱，即可食用，燒太耐會爆殼。將燒熱的蟹膏放在米通上，鮮味的蟹膏配搭香甜脆脆的米通上，超級夾，超級好味。超推⭐️。
留意番：二人份其實都係只有一隻蟹殼，如果想要兩隻，就要嗌兩份喇！。
❤️雜綿天婦羅
包含：大鮮冬菇半隻、南瓜、茄子、秋葵、日本甜蕃薯及蝦，炸漿適中，不油膩，再鬆化啲就滿分😛。
❤️淮山松葉蟹肉沙律
廚師將淮山打成蓉，加蟹肉拌勻，再用魚子醬拌碟，精美，但味道就一般
❤️日式醬燒茄子
好好食呀😆 熱辣辣好新鮮，茄子加上肉碎及木魚絲燒熟，好fresh，好juice，必叫之選
❤️日本辣汁魷魚
一份魷魚會有一個魷魚圈及一條魷魚鬚，是經醃製的魷魚，魷魚圈要打直放在爐上燒，魷魚鬚正常瞓低就可以，要非常小心，因為有醬汁醃製關係，很快就燒焦，有少許辣，味道好特別。
❤️香草牛油廣島蠔
用錫紙盤承載，直接放在爐上，好香牛油味。
❤️香草牛油秋葵
同樣是用錫紙盤承載，直接放在爐上，燒時唔太聞到牛油味，同埋太長，放唔晒落本簿，好耐都唔熟，熟嘅時候就已經有啲焦，不過食嘅時候，發現牛油配搭秋葵配得非常好，好食。
❤️味噌魚湯
味噌味好出，店員提醒要趁熱飲用，凍咗就會腥
❤️ 3.6 特濃牛乳奶凍 （超推⭐️）
超滑，牛奶味非常香濃，好清新，唔會太甜，可惜我最後先食，發現好食嘅時候，已經截咗單😂，如果唔係叫多兩杯🤣
❤️綠茶🍵味雪糕
平時好少食綠茶味雪糕，諗住嚟到就試吓，唔苦澀喎，好香綠茶味，好滑，好好食😋
❤️荔枝梳打
比較淡，不過配食油膩嘅肉類，都OK嘅
除咗以上嘅食物，仲有一啲小食、海鮮、其他款式嘅沙律、雞、豬、飲品等選擇，不過如果想飲啤酒，就要另外加$68/杯。
$998/位+10%服務費
推薦指數：❤️❤️❤️❤️❤️
店鋪資料 🏢
宮崎肉本舖
地址: 銅鑼灣糖街25-31號Sugar+6樓
#foodieismylifehk #hkfoodie #hongkong #hkfood #food #foodshare #eatstagram #yummy #香港美食 #hk #hkig #fooddaily #happy #foodies #吃貨 #相機食先 #foodie #yum #純粹分享個人感覺 #記録 #食好西 #味道是主觀的 #銅鑼灣美食 #日本美食 #燒肉#晚餐#dinner#純分享 #真實評價
Post
