75
前菜三小點有味噌茄子、漬物蒜頭、雞肉。第一次食雞肉，肉質嫩滑，食魚生嘅感覺，完全無腥味。
極上有赤身魚、油甘魚、蝦，一上枱已經見到好新鮮，肉質鮮嫩鮮甜。
廣島蠔口感creamy，好肥美，帶有淡淡海水味，好新鮮。
鮮活龍蝦，肉質爽口彈牙，鮮甜， 配龍蝦膏醬汁一齊吃，龍蝦味道非常濃郁。龍蝦頭之後會用黎煮味噌湯， 味噌湯有淡淡嘅龍蝦味，同樣好鮮甜。
鮮活南非鮑魚，未煮嘅時候見到仲會識，好新鮮，入口肉質鮮嫩彈牙，完全唔韌，鮑魚肝的口感特別，都唔會有腥味。
A4鹿兒島和牛薄燒卷，和牛肉包住雜菜雜菇，口感非常豐富，牛肉有一層焦香，入口即溶， 好重油香，伴碟嘅蒜片都好好食，好脆身。
鐵板炒飯用左櫻花蝦及梅汁，第一次嘗試嘅配搭，酸酸味味，減少油膩嘅感覺，炒飯仲可以選擇加湯同wasabi一齊食。
甜品係柚子&紅豆雪糕，2款都食得出真材實料，又不會太甜
