果子｜海南雞飯·喇沙摻摻 (啟昌樓) (Closed)

天氣無啦啦又落雨又轉凍，不過都無損我去探朋友同佢bb既心情，不過同bb玩之前都係食飽先。朋友就介紹我黎食呢間新野，佢話次次黎都好多人，要食要早d。鋪頭主用木式系，我覺得好有日式風格，黎到時係岩岩好有位咋，但其實時間先12點鬆d。午餐黎講選擇都好多，我地就叫左海鮮喇沙摻摻同香煎豬頸肉摻摻。野飲方面就叫左柚子茶同檸檬薏米水，由於天氣係咁落雨，真係好寒下，所以我地都係叫熱飲既柚子茶同檸檬薏米水都係真材實料，我最怕係連薏米都冇粒既薏米水，但呢度唔係讚之後就黎兩個摻摻上場喇！椰香味超級香！我同朋友都係食喇沙既粉絲！都讚佢好香濃，微辣，唔會愈食愈辣到食唔到，但有小辣調一調味。而且豬頸肉好好食 有煎香過先入湯，海鮮係新鮮既，不論蝦蜆都係新鮮貨，兩碗都配有魚片同豆卜，豆卜吸哂湯既味道，魚片又爽！真係好食摻摻其實係油麵同米粉既混合，加強左個咬口之餘又唔會剩係食一種麵咁單調。除左兩碗喇沙，我地總加配左兩種小食，一個係春卷，一個沙嗲串燒。春卷好食，入面係蔬菜類。而呢個係雞肉串燒，唔算辣，甜甜的香濃沙嗲味，好食 總言，下次黎探bb，我會再黎試下佢個印尼炒飯，因為我又見到好多人叫，而且格離飯香？真係好香