Video
Read full review
2019-06-01
151 views
朋友係灣仔返工，見到呢間新開嘅omakase話想試下～呢間餐廳係樓上舖，建議提早訂位餐牌上有兩set omakase可供選擇我同朋友都叫咗18種 $1580/位「前菜三點」分別係果茄，湯葉，博多鰻魚值得一提嘅係湯葉，即係日本新鮮豆腐皮豆味比起一般腐皮更濃更滑(由左至右，上至下)「北海道真蠔」鮮甜爽口，同美國蠔size差不多，仲有特製酸汁，開胃又易入口「活帶子」就算係一開二，都見到好厚肉，新鮮嘅帶子連少少腥味都無「赤貝」「目張魚」配上自家製酸汁，魚味較淡「白蝦酒盜」用上全世界最幼小嘅刺身蝦，混合上面嘅鰹魚內臟一齊食，個人覺得味道有啲似海膽墨魚，好味！「鯖魚白子」其實係鯖魚嘅精子，炙燒過後有微微嘅焦香，質感似好多層嘅腐竹，唔腥的，老闆話係好罕有！「鮑魚」磯煮方法，一啲都唔難𡁻，而黑色嘅係肝，蘿蔔醃左一個星期，十分入味「白飯魚壽司」暖暖地，採用赤米，由好多條魚造成。據說香港得一兩間餐廳有得食，因為製作工序較麻煩，需經過調製「金目鯛壽司」較厚身，柚子芥末令整舊壽司錦上添花(由左至右，上至下)「深海池魚壽司」好肥美，魚油味重「石鯛壽司」石鯛係鯛魚科之中最貴嘅食材，所以唔係好多餐廳有得食。魚肉較實
呢間餐廳係樓上舖，建議提早訂位
餐牌上有兩set omakase可供選擇
我同朋友都叫咗18種 $1580/位
「前菜三點」
分別係果茄，湯葉，博多鰻魚
值得一提嘅係湯葉，即係日本新鮮豆腐皮
豆味比起一般腐皮更濃更滑
(由左至右，上至下)
「北海道真蠔」鮮甜爽口，同美國蠔size差不多，仲有特製酸汁，開胃又易入口
「活帶子」就算係一開二，都見到好厚肉，新鮮嘅帶子連少少腥味都無
「赤貝」
「目張魚」配上自家製酸汁，魚味較淡
「白蝦酒盜」用上全世界最幼小嘅刺身蝦，混合上面嘅鰹魚內臟一齊食，個人覺得味道有啲似海膽墨魚，好味！
「鯖魚白子」其實係鯖魚嘅精子，炙燒過後有微微嘅焦香，質感似好多層嘅腐竹，唔腥的，老闆話係好罕有！
「鮑魚」磯煮方法，一啲都唔難𡁻，而黑色嘅係肝，蘿蔔醃左一個星期，十分入味
「白飯魚壽司」暖暖地，採用赤米，由好多條魚造成。據說香港得一兩間餐廳有得食，因為製作工序較麻煩，需經過調製
「金目鯛壽司」較厚身，柚子芥末令整舊壽司錦上添花
(由左至右，上至下)
「深海池魚壽司」好肥美，魚油味重
「石鯛壽司」石鯛係鯛魚科之中最貴嘅食材，所以唔係好多餐廳有得食。魚肉較實，幾有口感，無腥味
「小肌壽司」江户前代表作之一。外表好似秋刀魚，用鹽醃過再用醋浸，味道好豐富。而刺身同飯中間嘅紫蘇葉令成個壽司更香
「牡丹蝦伴蝦膏壽司」蝦膏喺熱石上面炒過，味道更出。配埋蝦肉本身嘅鮮甜，將一隻牡丹蝦發揮到極致。
「螢光魷魚」成隻無經過調味，估唔到好多膏！呢個size已經係最大隻，食落去爆膏，味道就有啲似蝦膏
「半生熟帶子海膽夾紫菜」特大帶子經過炙燒，加上醬油，夾埋海膽已經夠哂滋味。原來塊紫菜來頭亦不小，用上日本製來貨價較高嘅紫菜，好脆好香口，錦上添花。
「右口魚邊壽司」入口即溶，調味好好
「鯖魚壽司」好肥，顏色好靚，用醋浸過，帶輕微酸味
「拖羅壽司」中間半肥瘦，好香魚油味
(由左至右，上至下)
「海膽杯」成杯都係北海道馬糞海膽，食落先知同其他海膽的分別！好正呀！
「呑拿魚蓉手卷」有最愛的紫蘇葉，師傳燒左啲魚油落去，令成個手卷更肥美，味道更出
「安康魚肝」配酸汁食，口感好滑，少少似豆腐質感，有後勁味道吊起左整體感覺，好特別好好味
「鯛魚湯」用上七種以上嘅魚製成的湯，鮮甜到不得了
「自家製豆腐雪糕」
*專門比客人抹手後再享用壽司，十分地道！*
總括而言，
今餐完全係大滿足，好開心可以食到咁高水準嘅omakase！
老闆二人非常友善，必定會再次光顧！
Post
