漁獲浜燒 (Closed)

二人份招牌海鮮menu已經有刺身、龍蝦、鮑魚、貝類、一夜干、蜆湯、主食和甜品坐喺Bar枱位置更加可以近距離望到師傅準備食材，環境氣氛好啱朋友情侶聚會✨刺身三點有三文魚、油甘魚、大赤蝦，刺身每件都肥美清爽每一樣海產都由師傅親自即場烹調，見到師傅處理海鮮過程好專業✨波士頓龍蝦浜燒芝士開邊燒龍蝦🦞入面好飽滿龍蝦膏，爽口龍蝦肉、龍蝦膏和濃郁芝士混合一齊食，非常豐富味道✨活鮑魚活鮑魚原味或者配柚子胡椒醬都各有特色，鮑魚燒得啱啱好，食到燒烤香味亦都保持到彈牙口感✨紐西蘭刀貝刀貝肉身厚身肥美，用清酒&高湯一邊燒一邊煮，帶出刀貝鮮味燒完留低的海鮮湯汁亦非常鮮甜✨伍魚一夜干全晚最驚喜就係伍魚一夜干這道菜，一夜干由師傅自家製，需要提前兩日準備食材配搭返蘿蔔蓉加酸汁完全提升帶出哂伍魚一夜干鮮味👍🏻燒完仍然保持到魚肉嫩滑口感✨發塔紙白蜆湯蜆湯包裝好似禮物咁賣相好得意好靚，蜆湯入面超多蜆，每一口湯飲落都非常鮮甜✨海鮮雜炊非常滿足海鮮雜炊🍲口感吃落似海鮮粥，湯底鹹中帶出海鮮鮮甜✨窩夫窩夫外層燒香過，食落外脆內軟，窩夫加雪糕味道更加香