喫茶ちょうぼ

Open Now

Now Closed

今日同朋友去行K11，食午餐時見喫茶店好多人，環境半開放式幾好，決定入去一試。蟹肉蛋包飯非常之靚仔，黃咖喱唔會太過搶味道。蛋味非常香濃，面頭仲有幾粒魚籽！漢堡包嘅包皮非常之鬆脆，加上焦糖洋蔥嘅醬汁好夾好滋味，中間嘅和牛咬落有肉汁而且有牛味，當然唔少得有薯條，脆卜卜嘅！戚風盛盒完全冇一般甜品嘅甜膩，桂花烏龍嘅味道好清新，布甸夠晒滑捋捋。另外見到佢呢款小食亦都相當之有興趣，雞皮餃子好脆，唔會炸到好油，咬落去相當有滿足感。飲品方面叫咗杯咖啡同蕎麥茶，中和一下整個午餐嘅濃郁味道 。