🦀️蟹味噌甲羅燒 $78
朋友點咗一份個賣相十分之上鏡，見到入面有蟹味噌、蟹肉、蟹籽、蔥花同埋生鵪鶉蛋，侍應會嚟到面前即燒即食，燒起嚟香氣撲鼻，令人垂涎～味道上帶一點鹹香，入口即溶！
🍣南瀛卷 $298
餐牌幅相好吸引有驚喜！食材有吞拿魚腩蓉、海膽、牡丹蝦、三文魚籽以及完全冇諗過太卷入面有蟹肉，每一口都可以自由配搭不同食材，我最愛就當然係添上充滿脂香嘅吞拿魚腩蓉啦～
🐟南瀛七點盛 $598
七款刺身包括帶子、平目、真鯛、深海池魚、牡丹蝦、油甘魚、大拖羅，款款刺身厚切(一片等於平時大部份刺身兩至三片)最令我深刻嘅係大拖羅，脂肪分佈猶如雪花般油脂甘香～
🍜野菜烏冬 $68
食完刺身當然就要暖下個胃，叫咗烏冬又可以飲口熱湯，大概二至三人份，加上配料有娃娃菜、紅蘿蔔絲、金菇、黑珍珠菇、冬菇、大蔥、蔥花，健康有營得嚟熱辣辣一大碗，不錯！
🥒河童小卷 $48
見到個名好得意所以叫咗一碟，原來係青瓜小卷，一份八件。
朋友真係冇介紹錯，食物水準令人喜出望外氣氛又好，好適合同朋友嚟到居酒屋小酌一杯🍶把酒言歡一個晚上！
