Video
Read full review
2018-10-20
169 views
今日約左朋友去旺角食放題，兆萬中心10樓一間叫「大本瀛」既放題餐廳。首先入口門牌係型格黑色設計，而入面佈置走和風路線，有張貼一些日本街景，成個感覺相當「日本化」！值得一讚係卡位中間設有竹簾，私隱度大增，可以話係一個半開放式包廂，絕對係令人放鬆咁談心聊天既好地方。飲品方面好齊全，有果汁、荼類、汽水、啤酒都有，我就選擇左「milkis 牛奶溝鮮奶」。點餐紙好有系統咁穿埋一齊，唔會好似其他「散修修」，想搵想要類別既食品一目了然，方便整潔。第一個到既刺身，黎得放題，梗係少不得各類刺身了！一盤刺身，包括有厚切挪威三文魚，鮮甜鮑片，無沙北寄貝，有頭甜蝦，赤貝等等。三文魚刺身真係冇得彈，鮮滑入口融化。我同朋友都好鍾意食放題既壽司，可以試好多唔同類型，例如今次今次點既黑松露三文魚🍣，珍寶蝦🍣，當然仲有香噴噴既火炙🍣，仲試左好特別既香蔥和牛卷，龍蝦沙律吞拿卷等，口感特別得黎又有水準。再黎到既係熟食，焗凡納貝，焗壕，味道焗得超香，朋友鍾意鹽燒珍寶大蝦，非常之入味又惹味。仲有酸酸甜甜既烤菠蘿，開胃之選。燒鯖魚亦係必點。牛柳粒加左好多蒜片，油爆得剛好，保持肉汁又軟綿。最後當然少不了一個完美既結尾，甜品。餐廳門
今日約左朋友去旺角食放題，兆萬中心10樓一間叫「大本瀛」既放題餐廳。首先入口門牌係型格黑色設計，而入面佈置走和風路線，有張貼一些日本街景，成個感覺相當「日本化」！
值得一讚係卡位中間設有竹簾，私隱度大增，可以話係一個半開放式包廂，絕對係令人放鬆咁談心聊天既好地方。
飲品方面好齊全，有果汁、荼類、汽水、啤酒都有，我就選擇左「milkis 牛奶溝鮮奶」。
點餐紙好有系統咁穿埋一齊，唔會好似其他「散修修」，想搵想要類別既食品一目了然，方便整潔。
第一個到既刺身，黎得放題，梗係少不得各類刺身了！一盤刺身，包括有厚切挪威三文魚，鮮甜鮑片，無沙北寄貝，有頭甜蝦，赤貝等等。三文魚刺身真係冇得彈，鮮滑入口融化。
我同朋友都好鍾意食放題既壽司，可以試好多唔同類型，例如今次今次點既黑松露三文魚🍣，珍寶蝦🍣，當然仲有香噴噴既火炙🍣，仲試左好特別既香蔥和牛卷，龍蝦沙律吞拿卷等，口感特別得黎又有水準。
再黎到既係熟食，焗凡納貝，焗壕，味道焗得超香，朋友鍾意鹽燒珍寶大蝦，非常之入味又惹味。仲有酸酸甜甜既烤菠蘿，開胃之選。燒鯖魚亦係必點。牛柳粒加左好多蒜片，油爆得剛好，保持肉汁又軟綿。
最後當然少不了一個完美既結尾，甜品。餐廳門口有一個大雪櫃，任君挑選。今次午餐放題非常滿意，仲有好多食物未試，同朋友約定下次再黎食過！
Post
