北海道食堂 (Closed)

行街行到好肚餓又想食日本嘢，揾間日本放題食就啱哂，我哋就揀咗去沙田北海道食堂食。😍佢哋嘅食物包括有刺身、壽司、串燒、日式bbq、天婦羅、鍋物、烏冬等等包羅萬有。而且飲品種類又多，無限量供應，仲有雪糕做甜品。😍壽司我就冇叫但叫咗好多剌身，分別係白玉豚、八爪魚、北寄貝、希靈魚、魚、鮑片、帶子、蠑螺、三文魚、青魚。😋另外極上鐵板我亦叫得好多轉，因為有鵝肝、炒雜菜、魷魚鬚、三文魚扒、香煎廣島蠔同埋帶子等等，最值得推介係廣島蠔同帶子、鵝肝及蝦。😋串燒就order咗燒牛舌、日式海螺串燒、雞中翼、燒直菇、燒冬菇及雞肉串，全部都好惹味。😋而天婦羅我就叫咗海老天婦羅同埋茄子天婦羅， 好有水準之作。😋另外清酒煮藍青口一定要叫，日式火鍋有牛肉、雞肉、豚肉選擇，鍾意食鍋物嘅朋友唔可以錯過。😋