滿屋日本料理 (大埔超級城C區)

Open Now

Now Closed

有超過一年冇食日式放題，所以放咗工特登約朋友去食~朋友鍾意食刺身，我就鍾意燒物同鍋物，大家各自揀鍾意既野食，唔洗爭😆第一round食刺身同燒物，點完之後都好快就上。朋友話刺身整體嚟講都ok，所以叫咗兩轉。至於燒物，一上枱就香噴噴，令人食慾大增。最滿意係雞軟骨同埋燒扇貝，兩樣都好惹味🤤另外點既炒雞腎都好入味。第二round 食鍋物，包括雪花牛肉鍋同湯烏冬，仲有竹笙瑤柱蟹肉翅同忌廉海鮮蘑菇湯。牛肉鍋用料足，而且牛肉大大片，仲有粉絲，超滿足！最後甜品有無限量供應既Dreyer's 同haagen daz雪糕，好正！至於飲品可以喺雪櫃任揀，款式都唔少。