Video
Telephone
36222070
Introduction
This Japanese restaurant provides a variety of food at the dinner buffet, such as sashimi, sushi, and deep-fried food. It also serves chocolate fountain, popcorn, and marshmallows. The sake, umeshu and beer are free flow too.
continue reading
Opening Hours
Today
12:00 - 22:30
Mon - Thu
12:00 - 22:30
Fri - Sat
12:00 - 23:00
Sun
12:00 - 22:30
Public Holiday
12:00 - 23:00
Public Holiday Eve
12:00 - 23:00
Above information is for reference only. Please check details with the restaurant.
About Reward Scheme
Offers
一直都好鍾意食放題，但係香港嘅放題質素比較參差，有時食完就會肚痛，不過今日朋友介紹，話呢間放題質素好好之餘，而且價錢都好平，咁就一於嚟試吓啦。一開始，就叫咗個刺身拼盤，佢嘅拖羅非常肥美，而且每一個刺身都切得好厚，真係好值得讚賞，而且食落好新鮮，完全唔會有雪藏嘅味道，所以我哋都即刻叫多一轉嚟食啊。另外佢出面仲有好多熟食同埋冷盤拎，我就拎咗好多冷盤，因為出面有鮑魚，而且亦都有蟹，好易就可以回本啦。鍾意飲酒嘅人就最抵食啦，因為出面有好多清酒任飲，凍嘅同熱嘅都有，而且梅酒都係任飲， $300嘅價錢就可以飲咁多酒，真係非常抵食呀。除咗呢啲酒之外，佢仲有唔同嘅飲品，例如冷泡茶或者涼茶，鍾唔鍾意飲酒嘅人都可以回本啊。甜品方面，佢有好多唔同類型嘅雪糕，除咗有自製嘅雪糕之外，另外仲有Häagen-Dazs，或者唔同嘅蛋糕乳酪，真係所有人都啱食呀。我自己覺得呢個最中餅最抵食，因為好少日式餐廳可以食到，但係佢除咗特別之外，亦都做得好好食，非常推薦大家嚟試吓啊。
continue reading
趁放假去帶小朋友去大埔嘉年華玩，順便去食放題啦。呢間之前同朋友來過，食物質素中上。原來lunch做緊放題、午市set同半放題甘，好多選擇。食左刺身，都新鮮。海膽手卷有encore！鮮甜。西京燒、鰻魚、鵝肝壽司都不錯。仔仔就食烏冬同蒸蛋，食得好滋味。最讚係少榴蓮，外皮脆脆地，榴蓮又夠香甜。雪糕有tiramisu味。好味。藍莓都必食。🥢滿屋日本料理 (大埔超級城C區)🌏大埔安邦路8&10號大埔超級城C區地下542-548號舖
continue reading
相信大埔友一定去過呢間日式放題料理，位於大埔超級城，位置交通便利，人流密集。餐廳以日式裝修設計，木枱皮椅，座位舒適。 午市、晚市放題套餐由$248-$308左右，午市12:00到晚市9pm入場都有，多款刺身、壽司、火炙壽司、創作料理（鮑魚黑松露魚生撻、蝦蝦吞拿魚他他杯）、手卷、卷物、串燒、一品料理、燒物、煮物、炸物、天婦羅。仲有今期推介：馬來西亞燒榴槤！ 除咗手機點餐，仲有好多冷盤小食、熟食、熱湯、甜品、水果、雪糕、雪條、朱古力噴泉、咖啡、茶、梅酒、燒酒、紙包罐裝飲品（果汁、各式茶、啤酒）。
continue reading
月尾出左糧食餐好啲，唔想又出到旺角尖沙咀嗰啲食放題，返到大埔墟搵食🤓上網搵放題就出左『滿屋日本料理』有放題又多好評，係正大埔超級城地下就係，所以去試下喇😝😚通常平日一至四食呢啲放題都平啲，如果趕得切５點時段仲再平$10👍🏻不過見佢$298一位食兩個鐘都唔算太貴，所以揀左個A嚟食🥰1. A餐經典雙重大目吞拿魚炮魚刺身海洋盛宴(星期一至四 5:30後 自選兩小時成人$298) 佢呢個A餐其實都有成75種食物嘅選擇😬先講刺身已經有16種，食放題嘅識食緊係食多啲刺身啦 😂三文魚吞拿魚油甘魚帶子好新鮮 🤤另外佢有幾款特式壽司都叫左啲試下，龍蝦膏赤蝦壽司第一次試，蝦膏味都濃👍🏻仲有一款焦糖鵝肝壽司，焦糖鵝肝好香口，鵝肝入口即溶唔會好漏好味 😋仲有其他平時少見嘅嘢食「黑松露鮑魚魚生撻」「蝦蝦吞拿魚他他杯」都有趣 ，尤其係個他他杯裏面啲吞拿魚蓉好滿足😝熱食方面「爆炒鱔球」好多鱔片即炒，「豉椒炒蜆」啲蜆都多同無沙🤩「竹笙瑤柱蟹肉魚翅羹」同出面去飲啲翅一樣足料，估唔到呢🤗仲有BB乳鴿🦆其他燒物，牛舌、羊鞍嗰啲都正常發揮 ，每樣叫一串都已經食到好飽👻而呢次放題原來係有榴槤食嘅，有兩款：『馬來西亞烤榴槤』同『貓山王榴槤炸彈』，鍾意食榴槤嘅都知烤熱嘅榴槤會更香，但因為都飽所以今次只係叫左一件，超好味😝而榴槤炸彈熱辣辣都係必食👍🏻飲品汽水啤酒好多選擇，甜品雪糕種類好多，諗到嘅都有，如果下次係大埔想食放題，一定要試呢間滿屋🙌🏻
continue reading
最近我去咗大埔的滿屋日本料理放題，真係好開心！性價比極高！1. 食物方面食物選擇超豐富！新鮮嘅生魚片、各式壽司應有盡有。我特別鍾意佢哋嘅燒扇貝同埋燒榴槤，每樣都嗌咗幾轉，味道好正！甜品同雪糕種類都好多，總有一款啱口味！2. 上菜速度上菜速度真係唔錯！唔使等太耐，無論你叫咩，都幾快就送到。即使人多，服務員都好有效率，讓我哋可以不停享受美食，完全無感到等得太耐。3. 餐廳環境餐廳環境舒適，座位間距都幾好，唔會感到擠迫，適合家庭聚餐或者同朋友一齊食飯。4. 員工服務員工服務態度超友善，就算我去當天爆曬場，員工都好有禮貌，亦都好快手收走我冇用嘅碟，呢種服務真係令我感到賓至如歸，食得更開心。5. 價錢方面講到價錢，真係好抵！以呢個質素同服務嚟講，放題價錢真係合理。可以隨便食，性價比高，適合各種食客。
continue reading