
醬料十分齊全,有齊我嘅至愛生蒜蓉、炸蒜、芫茜、蔥。

雪櫃裏面嘅前菜有醃蘿蔔同味付螺肉。

飲料方面除咗汽水之外,推介玫瑰冷泡茶,同埋荔枝紅茶都好好飲。

任食邊爐配料,有十幾款新鮮蔬菜、丸類、拉麵、烏冬、豆腐等,食物高質冇伏。

我哋兩個人揀左美國極黑和牛,任食放題套餐$285/位。選擇左壽喜燒湯底同埋飛鳥牛乳湯。第一轉先上一碟美國豚肉同埋四碟美國極黑和牛。美國極黑和牛油脂比例恰到好處。豚肉爽口。



甜品主打當然係食Movenpick雪糕啦!今日有雲呢拿味同埋士多啤梨Panna cotta。另外,仲有韓國蜜瓜味雪條、紫米雪條。雪櫃裏面有原味芝士蛋糕、黑糖糯米糍、芒果布甸都好高質,唔好錯過!


由前菜到甜品都高質,大滿足!