就喺最近星期一到訪咗銅鑼灣廣場新開嘅牛站，新裝修新設施環境都比人一種好舒服既感覺！幸運地仲要比我入座小獨立間既卡位，隱私度都幾好！
3
品嚐一款中價位298蚊嘅火鍋套餐，SRF美國極黑和牛片套餐，稱得上和牛每片肉都細嫩可口，除左牛之外豚肉同羊肉片都非常推薦，尤其是鍾意羊肉味重羊騷嘅感覺。
火鍋湯底都非常之多選擇，款款湯底都高汁！ 品嚐咗龍蝦頭湯底同埋胡椒豬肚湯底， 真係有全隻龍蝦頭喺火鍋入面，非常有誠意；胡椒豬肚湯就算食到最後都保持有胡椒味，非常出色！鴛鴦鍋都只係需要加48蚊。
1
另外個人覺得性價比最高嘅係häagen-dazs無限任食，瘋狂啪雪糕都真係可以回到本，仲未計酒品、特色飲品任飲！
