點解我寫左單, 等左成20分鐘先黎野食既? 點解我寫10樣先黎得2樣既?
點解D汽水唔凍既? 點解來來去去都係黎刺身既? 點解食一餐都會有咁多疑問既?
其實, 呢兩個鐘頭裏面, 都已經心知不妙了, 一路落柯打紙, 一路等, 都唔知等乜?
寫完一次又一次, 但來來去去都係黎刺身....攪到我成晚食刺身食飽啦, 邊係任食呢?
落天婦羅唔見黎, 鐵板燒唔見黎, 又話有好多野食, 但....成晚都係食刺身......
唔如果係食刺身既話, 咁又使乜去呢度食喎!
汽水又唔凍, D刺身蝦又梅, 天婦羅又無左影..... 咪搵個人黎問下囉.....問點解無野黎....
咁佢咪去 CHECK 單囉, CHECK完又話無收過....
成晚我已經不停落單架啦.....邊會無喎....分明掉晒啦......
唉, 都未試過去一間咁差既食店呀.....本來開始都唔想入去, 但朋友話OK咪去囉....
事後, 當然話個朋友啦.....咁差既都叫我去, 價錢又唔係平喎, 服務又差, 食物又差.....
早之咁様, 去M記應該會開心好多呀.....唔使攪到成肚氣啦!
最後, 未試過既朋友, 千祈唔好去呀, 費事等足兩個鐘頭都無野食黎呀!
未試過飽都未食飽, 又話差不多夠兩個鐘, 就催你埋單呀!
最慘既經歷!
