Read full review
2023-05-08
356 views
蟹迷必到呢一間位於K11嘅餐飲店。SEX SWING FLIRTY GO-ROUND 568絕對係打卡必備，金碧輝煌嘅旋轉吊架裝有四款食品，共八碟二人分享。每款都盡量包含蟹肉於當中：鮑魚蟹粉酥盒賣相奢華，鮑魚帶嚼頭，醃料咪充足。略嫌酥盒比較硬身；三文魚卷做得出色，夾落唔易散，配魚子醬入口鹹鮮；醉雞卷酒味不太濃烈，配上醉蟹粉口感不俗，肉汁頗多；松葉蟹肉海膽蒸蛋份量較細，食完絕對有意猶未盡嘅感覺！特上花雕宴連同旋轉吊帶一同登場，同樣氣勢不凡(⁎⁍̴̛ᴗ⁍̴̛⁎)店員先把花雕酒倒入酒架嘅頂層位置，酒水由高流至下方八個小杯子裡面，過程治癒，一邊品嚐美食，另一邊慢慢咀嚼花雕酒所帶來嘅甘醇，令人驚喜嘅係，酒杯之內更泡浸住話梅，混合埋話梅嘅酸甜，一解蟹肉嘅寒涼！特濃蟹粉蟹肉拌拉麵 稱得上為餐嘅招牌菜式，由木盤端上，圍繞着拉麵嘅有數個小碟：蟹肉雞湯羹、秘製醬油、手拆蟹肉、公，母蟹膏、極上蟹油，按次序倒入拉麵後拌勻 ，入口好似沾麵，啖啖蟹香同蟹肉，小編更加用優惠$58加購蟹粉黃魚濃湯，湯頭夠熱，飲落去蔥花同魚味相當配合，蟹嘅味道慢慢滲出，特別暖胃。軟殼蟹墨魚汁麵烏黑黑嘅墨魚汁Q彈又有嚼頭，軟殼蟹炸得不油膩，飽滿
蟹迷必到呢一間位於K11嘅餐飲店。
SEX SWING FLIRTY GO-ROUND 568
絕對係打卡必備，金碧輝煌嘅旋轉吊架裝有四款食品，共八碟二人分享。每款都盡量包含蟹肉於當中：鮑魚蟹粉酥盒賣相奢華，鮑魚帶嚼頭，醃料咪充足。略嫌酥盒比較硬身；三文魚卷做得出色，夾落唔易散，配魚子醬入口鹹鮮；醉雞卷酒味不太濃烈，配上醉蟹粉口感不俗，肉汁頗多；松葉蟹肉海膽蒸蛋份量較細，食完絕對有意猶未盡嘅感覺！
特上花雕宴
連同旋轉吊帶一同登場，同樣氣勢不凡(⁎⁍̴̛ᴗ⁍̴̛⁎)店員先把花雕酒倒入酒架嘅頂層位置，酒水由高流至下方八個小杯子裡面，過程治癒，一邊品嚐美食，另一邊慢慢咀嚼花雕酒所帶來嘅甘醇，令人驚喜嘅係，酒杯之內更泡浸住話梅，混合埋話梅嘅酸甜，一解蟹肉嘅寒涼！
特濃蟹粉蟹肉拌拉麵
稱得上為餐嘅招牌菜式，由木盤端上，圍繞着拉麵嘅有數個小碟：蟹肉雞湯羹、秘製醬油、手拆蟹肉、公，母蟹膏、極上蟹油，按次序倒入拉麵後拌勻 ，入口好似沾麵，啖啖蟹香同蟹肉，小編更加用優惠$58加購蟹粉黃魚濃湯，湯頭夠熱，飲落去蔥花同魚味相當配合，蟹嘅味道慢慢滲出，特別暖胃。
軟殼蟹墨魚汁麵
烏黑黑嘅墨魚汁Q彈又有嚼頭，軟殼蟹炸得不油膩，飽滿的肉質非常香口，不過味道相對淡身，再加購$48醉鴨舌同$38醉雞翼，醃製帶點甜甜的，不過性價比而言就唔算太高，純粹小編真係好鍾意食(*¯︶¯*)
燕窩伴薑味意式雪糕配薑汁啫喱
食完蟹，當然要食返啲薑嘅嘢，呢款甜品嘅意式雪糕較柔軟，帶點碎冰感，薑汁啫喱Q彈帶微辛，而額外附上的薑條，辛度更為濃烈，兩種薑味略有不同，但絕對係耳目一新嘅甜品。
四川花椒朱古力焦糖燉蛋
用上辣味去調配，令甜品更讓人深刻。焦糖面做得薄脆，朱古力好滑亦不太甜膩，花椒無過於搶風頭，兩者異常諧和。
Post
