串Grill 自助燒烤專門店 (廣華街) (Closed)

今日約左朋友食飯，之前仲頭痛緊食咩好，又唔想好多時出黎聚會都淨係打邊爐、放題咁無特別新意。經過一番搜尋下，發現呢間串燒放題，見到幾特別立即訂位試一試。餐廳開鋪時間係五點，我地準時五點入去，餐廳佈置頗有日式街頭小店既味道，當你入到去有少少親切感。當坐下時，店員會立即端上一盤串燒同沙律，佢地比既第一盤串燒係牛、豬、雞各四串，同時店員會教導點樣去燒烤食物，服務態度良好👍👍👍仲有佢地會提供圍裙，防止食客整污糟自已衣服，舉動十分貼心！餐牌上有超過四十種食材選擇，絕對適合喜歡食串燒既朋友當中包括M6和牛牛柳、紐西蘭牛西冷、黑毛豬豬頸肉、荷蘭豬五花、台灣腸等等，種類實在太多，而且食材質素好😋絕對係誠意推介！仲有兩款甜點可以比大家燒，就係棉花糖和雞蛋仔，燒完之後味道更加一流。如果唔知要燒幾耐先食得，Ｍｅｎｕ到有張牌可以睇每樣食物燒幾耐，跟住時間燒唔使驚唔知熟未！調味料都有好多選擇，總有一款岩唔同人口味店員推薦我地試下佢地自己調配既韓式梨汁燒烤醬同沙嗲醬都好好味飲品方面亦都係任飲的，有好多汽水同樽裝飲品揀，用餐時間為兩小時。