小胖台灣便當 (偉華中心)

Open Now

Now Closed

偉華中心以前嘅扒王之王分拆成唔同嘅店鋪，呢一間就係其中一間。餐廳打正旗號寫住試業，自己又好耐冇食過台灣嘅，沙田亦都冇咩台灣嘢食，所以佢開咗喺呢度，絕對係有非常大嘅優勢。餐廳主要係食台灣便當🍱，就算係個器皿亦都係外賣盒嚟，所以非常方便外賣；套餐則係一個主食；一個小菜，亦都可以加錢要多樽冷泡茶。唔一定要拎單張，望住個大螢光幕都可以去選擇自己食啲乜嘢。呢度係要去收銀處先俾錢，然後等叫號碼，最後先拎野食。我叫做呢一個係台灣古早味烤豬肉飯，豬肉切得幼細，像豬肉乾，然後連埋清甜嘅粟米同埋台灣香腸，碗飯亦大碗，應該可以係一個半人嘅份量。再配埋一個九層塔雞翼，這一款雞翼比較濃味，應該口味偏重嘅朋友會比較鍾意食。我另外呢一款叫咗台灣鐵路大排骨飯，配料跟上面果碗差唔多，唯獨係佢加咗少少辣椒，排骨亦都係香酥脆炸，跟豬肉烤的做法不同，也不錯。我最後叫咗兩支冷泡茶，無糖，清甜，食濃味野之後解一解就最好。