200
6
2
9-min walk from Exit A4 , Sha Tin MTR Station continue reading
Telephone
38535500
Opening Hours
Today
11:00 - 22:00
Mon - Sun
11:00 - 22:00
Payment Methods
Cash Octopus
Review (217)
心心念念想食台灣菜 同事未試過呢間 咁啱又近我哋公司附近 所以帶佢過嚟試吓👍🏻通常喺門口叫完食物 比完錢 安排咗座位 一坐低唔使5分鐘 食物就即刻上枱!食物都係熱辣辣 香噴噴!餐廳提供便當、湯麵、小食及飲品 價錢來講唔算貴 都大件夾抵食 性價比好高!🍱萬華網烤牛肉便當 💰72(附油切綠茶/+12追加九層塔雞翼)(+12升級南部滷肉飯)烤牛肉薄身燒得好香口 肉汁多 味道濃郁 雖然薄切但係都好有口感 一定一定要升級左南部滷肉飯 滷肉有油脂 啖啖嘅肥肉 食完一定會好滿足 唔算油膩 撈埋飯食簡直一流😍一定要加!配菜仲有蘿蔔、粉絲、姜蓉同煎雞蛋😋全部都滷得好入味😋 配菜都出色!見到隔離枱叫雞翼 香噴噴 所以都叫左😂 雞翼大大隻 炸得好香脆 啖啖肉有肉汁!油切綠茶飲完會解膩 減低罪惡感🤭🍱三杯蜜汁烤雞排便當 💰58(附芙香蘋果茶/+12追加梅香脆地瓜)(+12升級南部滷肉飯)呢款之前食過 好正!肉質嫩滑唔鞋口 雞肉都比較厚身 啖啖肉 雞皮烤得好香 仲有淡淡嘅蜜汁味😋地瓜好香脆軟淋 炸到熱辣辣 仲帶有梅香味!蘋果茶帶有果香 酸甜解膩👍🏻 continue reading
(The above review is the personal opinion of a user which does not represent OpenRice's point of view.)
Level6 2022-05-13
2235 views
哈哈,星期三晚嘅外賣系列又嚟喇,今次跳得遠少少,入到沙田區搵食,近排聽相熟嘅沙田友提及呢一家「小胖」,性價比高,所以,趁住過到嚟就會一會佢。幫襯當日仍未開放返晚市堂食,不過,望入去餐廳嘅裝修簡約清爽,以淺系為主,牆上一句口號「一碗滿滿的幸福」加上「小胖」嘅標誌,為餐廳添上溫度。卡位就適合三幾個朋友,而有少量吧枱位就適合一個人單拖過嚟。 雖然門口棟咗個大餐牌,不過,我都喜歡拎走單張再掃描出嚟,更清晰嗎!睇店名都知,店家主打就喺台式便當,但亦有賣台灣手工麵食,包埋飲品,定價都喺$58-$72,算喺好合理,仲可以優惠價追加小食,選擇彈性大。  本來都想一個便當、一個麵食,但怕怕哋啲麵食拎到返會會大打折扣,因為今次返屋企途程少少遠,所以,都喺穩膽兩個便當,追加一款小食就算。有機會,下次嚟堂食試佢哋啲麵食。順帶一提,外賣附上嘅唔喺平嘢竹筷子,而喺好似家用嗰啲竹筷子,可以洗番再用。梅香脆地瓜 +$12呢個就真喺最想「回味」嘅小食,因為,唔記得喺第一次定第二次去台灣逛夜市時,初嚐炸地瓜,加入大量梅粉,非常難忘。今次食番嘅,啲炸地瓜唔錯,外層好夠脆,但唔油,夠粉甜,喺略嫌梅粉落得手緊,酸香味太隱約。 三杯蜜汁烤雞排便當 $58老婆就想試試三杯蜜汁烤雞排,因為諗住會芳香惹味啲,果然,雞排煎得有啲燶邊,入口有點點焦脆感,而肉質卻比預期嫩滑;至於個三杯蜜汁,真喺醃得夠入味,既惹味,又香甜,再者,雞排又好,飯底又好,都份量十足,佢就梗喺食唔晒一碗飯啦,由我呢個包底王搞掂。萬華網烤牛肉便當 $726款便當都喺對牛肉情有獨鍾少少,不過,唔知「萬華網烤」喺特別在咩,但總之食落啲牛肉好腍滑,既有肉香,又富肉汁,加上烤得帶陣陣焦香,真喺幾正。而每份便當已包埋多款配菜:煎蛋角、炒粉絲、粟米、木耳、青瓜、蒿筍、小棠菜,唔單止令整個便當更加豐富,亦營養兼備。 熱金橘檸檬茶、芙香蘋果茶老婆鍾意熱飲多過凍飲,所以,金橘檸檬茶就最合其心水,佢話好有金橋香味,酸酸甜甜好清新,入口暖和舒服;小弟就要咗冷泡茶,茶底幾清幽,又確喺有滲出蘋果嘅香甜味,真喺唔錯。 多謝友人推介,「小胖」嘅便當確喺唔錯,份量足,定價亦算相宜,值得再幫襯。 continue reading
(The above review is the personal opinion of a user which does not represent OpenRice's point of view.)
小胖台灣便當係快餐形式先買後用餐,但係食物質素相當高,而且每一個細節位都好用心🥰#小胖遊沙田🐠 —————————————————🔹士林鹽酥大雞腿便當 $62超級好食😋 熱辣辣炸鹽酥雞髀🍗大隻過我個拳頭👊🏻好細心切好2嚿方便食,一咬落去係雞皮酥脆✨充滿油香,肉嫩Juicy💦充滿椒鹽味,食肉獸絕對係大滿足🤪🔹萬華網烤牛肉便當 $72牛肉烤得香而嫩,完全唔會韌,一塊塊肉比較薄同份量少,但相對無咁油膩heavy👌🏽以上兩款便當都有超多飯🍚,是日配菜有青瓜🥒、蘿蔔🥕、木耳、粟米🌽、小棠菜🥬、炒粉絲、蛋餅🍳,全部都調味得唔錯,仲好colorful同豐富~👉🏻跟餐附送冷泡茶🔹日本焙茶🔹油切綠茶足足有550 ml,真係夠大枝,雪得夠凍🧊,焙茶係有濃濃嘅焙炭香,綠茶相對就比較清新🌱,兩款都好飲!—————————————————🧜🏻‍♂️口水度:🌕🌕🌕🌕🌘🤑性價比:🌕🌕🌕🌕🌖🧚🏻‍♀️打卡值:🌕🌕🌕🌘🌑🥰舒適度:🌕🌕🌕🌗🌑👅回頭率:🌕🌕🌕🌕🌗.♟Overall♟真係大件夾抵食,份量慷慨,絕對係食得飽又唔馬虎🤰🏻一解無得去台灣旅行🧳之苦✈️雖然用即棄餐具,但係餐具明顯係高質都,你試過就會明,連隔離枱嘅阿叔都忍唔住要讚😂 continue reading
(The above review is the personal opinion of a user which does not represent OpenRice's point of view.)
Level4 2022-04-13
1174 views
今日係沙田哩邊買外賣返屋企,哩間台灣餐廳既便當份量十足,性價比真係相當高。餐牌上面有唔同既便當及麵食可以選擇,小食選擇亦唔少,而且買便當或麵食都會送冷泡茶🍵🐖逢甲香烤豬軟骨 $72便當份量十足,面層鋪滿配料同大大舊既豬軟骨,豬軟骨煮得軟腍入味,醬汁味道有啲似滷肉飯,軟骨亦容易咬,配有炒得乾身既粉絲、粟米粒粒、蘿蔔絲、酸瓜、木耳、煎雞蛋同青菜,健康又好味。🍜三杯蜜汁烤雞排 $58雞排外皮烤得香脆,而且超厚肉,肉質嫩滑有肉汁,塗上既蜜汁令雞排更香甜。台灣麵配上清甜既湯底及青菜(外賣既湯同面會分開放),真係相當唔錯,女仔應該會鍾意個湯底~我自己拎返去冇即刻食,過左一陣先自己煮熱返,煮到熱辣辣食真係好正,好食推介👍🏻追加小食 $12一款🍗九層塔雞翼(兩隻)🍗懷念鹽酥雞鹽酥雞炸皮都唔會厚,兩樣調味都適中。🍵便當同麵食都會包埋冷泡茶,有油切綠茶、日本培茶及芙香蘋果茶可以選擇。油切綠茶清新甘香,日本培茶味濃醇厚,兩樣都能夠解膩。整體黎講,餐廳食物質素相當唔錯,而且大大份,性價比真係好高,值得一試。 continue reading
(The above review is the personal opinion of a user which does not represent OpenRice's point of view.)
Level4 2022-04-04
898 views
朋友介紹左呢一間台灣餐廳比我,所以去開沙田咁就去試一試😽~接近六點嘅時候去到已經有好多人等緊,令我都好相信呢一間餐廳嘅質素一定會唔錯🤣~ 咁我哋兩個人咁就叫咗兩個餐總共加埋都係百幾蚊其實都好抵,因為份量其實都幾多~所以一定會夠飽,同埋我覺得味道真係相當唔錯🤣!☀️B3. 士林鹽酥大雞腿便當-油切綠茶-懷念鹽酥雞覺得食台灣嘢就一定要有鹽酥雞🫶🏻!咁先係完美嘅配搭😚,再加上呢個大雞腿便當真係第一眼就俾佢吸引到!去到後尾等攞外賣嘅時候都聽到好多人叫呢一個餐,咁就知道自己一定唔會揀錯啦😂!外賣嘅話雞髀係會分開上嘅,個便當入邊都有好多粟米!咁睇落去顏色豐富好多同埋都幾健康😽!隻雞髀真係超級大隻同埋脆口, 肉質都好滑。雞髀會斬開咗一半,咁食起上嚟就方便好多!綠茶嘅話就覺得都幾清甜同埋佢個樽都有寫到話係自家製嘅😻~仲有覺得個樽都幾靚,可以留返黎飲水都幾好😹~🌙N4.台灣鐵路大排骨湯麵-日本焙茶-懷念鹽酥雞因為想食到兩款唔同嘅飯或麵,所以呢一個就揀咗湯麵。咁外賣嘅時候湯同埋麵就會分開上,所以拎到返屋企嘅時候都會幾好幾方便又唔會驚啲麵淋晒,所以呢一方面都幾貼心😚😚。我自己覺得個麵真係幾好味,因為個麵都好滑,放咗湯之後撈埋d湯一齊真係好match!連個湯底都好好飲,真係連湯底都唔放過😹😹😻!排骨嘅話都淋同埋佢本身就已經切好咗勁方便!日本焙茶就比較濃郁,所以相比起油切綠茶嘅話就有唔同嘅風味,所以係各有各嘅好😽! continue reading
(The above review is the personal opinion of a user which does not represent OpenRice's point of view.)