Video
Read full review
2018-08-10
180 views
今晚經過銅鑼灣覓食，係openrice見到衣間個廣島蠔崟飯被深深吸引，一於上去試下。上到去明顯係成層最受歡迎嘅餐廳，今次一定唔會伏餐廳裝修幾warm, 有日本小店感覺，燈光充足，又有好多figure公仔裝飾，雖然地方唔大但都感覺舒服。侍應好有禮貌，一坐低就有綠茶包熱茶奉上，之後都勤於加水，唔使三趨四請打開餐牌，好多選擇，刺身、壽司、天婦羅、串燒、魚生飯，仲有好多特色料理，多到好似放題咁。仲有個素食餐，係其他日本料理罕見，望落都幾吸引，不過今次為左個蠔釜飯，下次先試！而我今次就叫左三文魚三味壽司，赤貝刺身，軟殻蟹天婦羅，同埋廣島蠔釜飯三文魚三味：分別係蟹膏，炙燒芝士同普通三文魚壽司。首先，塊魚生好新鮮，無腥味，口感彈牙豐富，再加上蟹膏，加倍鮮甜，而芝士炙燒就香口非常，加上價錢比某人氣連鎖壽司店更抵，吃完立即encore多一碟之後到赤貝刺身，附上兩片檸檬，除點醬油外亦可以加檸檬汁，但依我說什麼都不用加，因為那赤貝夠鮮！咬下去肉質非常爽口，甜味一踴而出接著到軟殻蟹，賣相好靚。應該有成三四隻，好抵食。食落外脆內軟，爆晒膏，再次可見用料新鮮最後，期待已久，廣島蠔釜飯終於出場！由於即叫即煲，落單時
上到去明顯係成層最受歡迎嘅餐廳，今次一定唔會伏
餐廳裝修幾warm, 有日本小店感覺，燈光充足，又有好多figure公仔裝飾，雖然地方唔大但都感覺舒服。
侍應好有禮貌，一坐低就有綠茶包熱茶奉上，之後都勤於加水，唔使三趨四請
打開餐牌，好多選擇，刺身、壽司、天婦羅、串燒、魚生飯，仲有好多特色料理，多到好似放題咁。
仲有個素食餐，係其他日本料理罕見，望落都幾吸引，不過今次為左個蠔釜飯，下次先試！
而我今次就叫左三文魚三味壽司，赤貝刺身，軟殻蟹天婦羅，同埋廣島蠔釜飯
三文魚三味：分別係蟹膏，炙燒芝士同普通三文魚壽司。
首先，塊魚生好新鮮，無腥味，口感彈牙豐富，再加上蟹膏，加倍鮮甜，而芝士炙燒就香口非常，加上價錢比某人氣連鎖壽司店更抵，吃完立即encore多一碟
之後到赤貝刺身，附上兩片檸檬，除點醬油外亦可以加檸檬汁，但依我說什麼都不用加，因為那赤貝夠鮮！咬下去肉質非常爽口，甜味一踴而出
接著到軟殻蟹，賣相好靚。
應該有成三四隻，好抵食。食落外脆內軟，爆晒膏，再次可見用料新鮮
最後，期待已久，廣島蠔釜飯終於出場！由於即叫即煲，落單時侍應已提醒起碼要等25分鐘。時間啱啱好，其他野差唔多食完佢就上枱了。
一打開戈陣蠔味真係好香，就咁睇以為個飯得兩隻蠔，本來都收貨，原來𢳂起d飯先見到飯入面撈左好多切碎嘅蠔，難怪𢳂起仲香。飯入面仲撈左d蒟蒻粒粒，增加口感，好特別D飯充滿蠔味同埋甜甜地，口感濕潤度剛好，而且仲有些微飯焦！侍應亦非常細心，提示如果想乾身d, 可以攪完d飯焗多廿秒先食。
埋單先知原來夜d仲有折扣時段，抵上加抵！
Post
