Video
Read full review
2023-01-07
583 views
餐廳名稱：Roganic新年就當然要獎勵一下自己，去食一餐好嘅😂今次就去咗米芝蓮一星 Roganic 試下啦～佢除咗係一星之外，佢仲拎咗『綠』星添，即係食材夠新鮮，使用本地食材為主，使用可持續食材，暫時佢係香港唯一，一間拎到綠色星星嘅米芝蓮餐廳☺️首道菜係一個紅菜頭，同鷹嘴豆小食，食材真係好新鮮，味道好特別，好難形容嘅味道，真係要食過先體會到，餐廳建議用手食，一口食一個，口味複雜美味，食材配搭新鮮特別，都算好食嘅😋第二道～超好食，好多芝士配上一個精製過嘅牛角包，比10個我都食到吖👍🏻外脆內軟，香脆可口，中間有少許流心嘅感覺，因為，太好多，要分2次慢慢享受一下😂第三道～帶子配香草🌿汁，帶子煎得好香口，配上獨特的香草汁，成個感覺好新鮮，好特別，不過略嫌太熟☺️不過，都有8.5/10分嘅第四道～麵包🥯先到見到呢度菜式真係嚇一跳，唔係啩麵包都係一道菜？仲話係經典菜式？不過，當放入口嘅時間，又真係好好食，佢有一個黑糖牛油配搭嘅，但就咁食都好好食，有一種平淡但非常幸福嘅感覺。第五道～紫菜三文魚子蒸蛋，裡面有一個牛根😅不過，太細粒啦，無為意到，好似無食過咁😂好彩有2粒，第二粒試真下，好似無乜味咁😂呢道菜
新年就當然要獎勵一下自己，去食一餐好嘅😂
今次就去咗米芝蓮一星 Roganic 試下啦～佢除咗係一星之外，佢仲拎咗『綠』星添，即係食材夠新鮮，使用本地食材為主，使用可持續食材，暫時佢係香港唯一，一間拎到綠色星星嘅米芝蓮餐廳☺️
首道菜係一個紅菜頭，同鷹嘴豆小食，食材真係好新鮮，味道好特別，好難形容嘅味道，真係要食過先體會到，餐廳建議用手食，一口食一個，口味複雜美味，食材配搭新鮮特別，都算好食嘅😋
第二道～超好食，好多芝士配上一個精製過嘅牛角包，比10個我都食到吖👍🏻外脆內軟，香脆可口，中間有少許流心嘅感覺，因為，太好多，要分2次慢慢享受一下😂
第三道～帶子配香草🌿汁，帶子煎得好香口，配上獨特的香草汁，成個感覺好新鮮，好特別，不過略嫌太熟☺️不過，都有8.5/10分嘅
第四道～麵包🥯先到見到呢度菜式真係嚇一跳，唔係啩麵包都係一道菜？仲話係經典菜式？不過，當放入口嘅時間，又真係好好食，佢有一個黑糖牛油配搭嘅，但就咁食都好好食，有一種平淡但非常幸福嘅感覺。
第五道～紫菜三文魚子蒸蛋，裡面有一個牛根😅不過，太細粒啦，無為意到，好似無食過咁😂好彩有2粒，第二粒試真下，好似無乜味咁😂呢道菜就真係中規中矩。
第六道～鮮淮山，配菜，一種好新鮮嘅味道，只係我唔太識欣賞☺️但真係好新鮮嘅～
第七道～好好味道嘅魚，個汁同個魚好配，魚肉有質感，好好食😋魚肉都好鮮滑。
第八道～豬柳配慢煮豬腩，本身我唔太鐘意食豬，所以，真係覺得一般，再配上我最唔鍾意食嘅紅蘿蔔蓉😅我無食哂
第九道～冷凍芝士，用啖氣將個芝士極速冷凍咗，食出嚟個感覺好得意，好似雪糕，但又唔係雪糕🍦開👍🏻真係要試下呢個
第九道～同行嘅朋友唔食得，大廚就將佢變成一個冇芝士無奶嘅甜品，好重嘅蔬菜感覺，蔬菜雪糕蔬菜冰，好得意～不過，我都係鍾意自己嗰個多啲😂
第十道～蘋果汁甜品，好靚，好似好特別咁，不過，因為食到最後，已經好飽，所以好味嘅感覺唔太大😆
價錢：$1180/位 午餐 另加一服務費
好味程度：😋😋😋😋/5個滿分
價錢抵食度：💰💰💰💰/5個滿分
整體感覺：❤️❤️❤️❤️/5個滿分
推介程度：👍🏻👍🏻👍🏻👍🏻/5個滿分
—————————————————————————
餐廳整體感覺：今次book咗四人房，坐房可以好舒服咁樣傾偈，而價錢同坐大廳一樣，所以我建議大家可以book房。
食材好新鮮，食材配搭好特別，成日有種熟悉而又陌生嘅感覺，餐廳午餐有半餐，同全餐，今次係食全餐10道菜，佢有半餐係$880嘅，所以，我都覺得幾值得一試。
環境尚算不錯，當然不能同3星比較啦，但一星嚟講，都算唔錯啦☺️
✏️
餐廳名稱：Roganic
電話：28178383
地址：銅鑼灣告士打道255號信和廣場UG樓8號
Post
