蠔灘 (Closed)

平時都好少過嚟香港仔，今日過嚟探朋友，朋友帶咗我食呢間Oystime，真係好有驚喜。叫得Oystime，一定要試吓佢啲生蠔。澳洲Tasmania嘅生蠔$10一隻，真係超抵食，於是決定嗌一打12隻黎試吓。啲生蠔賣相好靚，擠埋啲檸檬汁，食落真係好鮮甜。主菜要咗西班牙橡果黑毛豬，侍應推薦我哋要七成熟。兩個人食份量啱啱好。一切落去就知道啲肉質好林，食落真係好香肉味，又林又juicy，同佢嘅醬汁好夾。另外都好鍾意佢嘅配菜黑松露薯蓉，有好香黑松露味。虎蝦龍蝦汁扁意粉又係賣相一流。超大隻虎蝦海邊燒完放喺扁意粉上面，虎蝦肉鮮甜彈牙。意粉嘅材料都幾豐富，有菇、洋蔥、蒜頭同埋三色椒，龍蝦汁唔會太咸，成個配搭好好。下次有機會一定要再食佢嘅生蠔，都想試吓佢嘅刺身。