漁獲浜燒 (Closed)

同朋友兩個黎到呢間好居酒屋feel既日本餐廳，我地揀左吧台位坐，可以望住師傅係廚房羅野出黎同切下魚生。雜錦魚生 - 每一種魚生都好新鮮，又夠厚身，好好味。甜蝦好大隻、爽口。海膽正！鹽燒喜之次 - 魚本身好新鮮，就甘鹽燒，已經好好味。魚肉好甜，就算唔點汁已經好鮮味。什錦天婦羅 - 食日本野最中意食天婦羅，一睇就知d粉漿有點兒厚，不過好彩本身d蔬菜都新鮮，天婦羅炸得唔會好多油。蕃薯夠甜脆身。個粉漿可以薄身少少會更好。餐廳果然係無改錯名，漁獲真係好新鮮、美味。下次應該專注食魚同海鮮。