蟹仙海鮮蒸氣鍋 (仁愛街) (Closed)

今日同朋友食晚飯，我同佢都係一個超鍾意食海鮮嘅人，佢推介我哋去到新蒲崗呢間食店。佢話海鮮非常生猛之餘。而且而家仲做緊折扣添。而家798嘅尊貴海鮮套餐，而家只需要每位$399。就可以食到喇。我哋諗都冇諗到，就決定叫個399套餐試吓啦。一入到去，已經見到勁大個魚缸，入面啲海鮮非常生猛。唔使幾耐，啲海鮮已經送到枱上。先講鮑魚，雖然佢唔算大隻。但係非常之鮮甜。好亦都肥美，我自己最怕出街食蠔，真係好會縮水都唔見咗人😆蝦肉亦都唔會霉，因為好多時出街食下啲蝦肉好多時都係會霉。呢餐飯入面，我覺得隻蟹係最好食，入面有勁多蟹膏。非常肥美。整體來講，以咁嘅價錢食到咁多海鮮，性價比可以話非常之高。而且味道同海鮮嘅質素絕對係呢個價錢之上。