丸十日本食堂 (Closed)

放假同朋友去了葵芳逛街，未夠7點這間丸十門口已經大排長龍，兩個人又想食日本菜，所以攞左飛仔再逛逛等位。入到去被安排坐在鐵板前面，對住一個大魚缸，有龍蝦鮑魚等新鮮海鮮。朋友建議食最便宜的鐵板海鮮餐。蟹籽沙律爽脆開胃，每啖都有我至愛的蟹籽。北海道帆立貝肉厚且嫩，表面煎熟裏面剛好，帶點微微的刺身狀。車海老雖然無膏，但蝦肉新鮮爽脆；日本廣島蠔一個字形容，鮮！外面煎成金蠔狀，裏面蠔味濃郁且滑。野菜燒有三色椒、蘆筍及雜菌等，炒得香口。厚燒米國牛肉表面煎到焦香，裏面帶點粉肉色，牛肉油脂較少，肉質比較有咬口。丸十鐵板和牛炒飯以洋葱及和牛粒炒香，加上日本珍珠米煙韌爽口，但和牛肉略媒不夠油脂香味。旁邊有綠茶粉，客人可因應個人喜好而調較茶的濃淡度。