漁獲浜燒 (Closed)

餐廳位於銅鑼灣，提供刺身、浜燒同各款時令日本料理，好似我咁叫套餐就可以樣樣都試下✨️二人前套餐（$798)🐟刺身三點（+98）拖羅入口即溶，油脂豐富。金目鯛肉質鮮甜，口感細膩，完。赤蝦爽口彈牙，鮮味十足。🦐浜燒黃金大虎蝦大虎蝦肉質彈牙，鮮甜嘅蝦膏同蛋黃醬完美結合，令味道更上一層樓🦪帆立貝帆立貝用左清酒去燒，令鮮味更加突出。燒完之後，帆立貝嘅肉質依然嫩滑，建議飲埋淨低既清湯。🦪馬刀貝馬刀貝嘅口感爽脆，海水味好濃郁。燒完之後更加鮮甜。🐠燒吞拿魚鮫吞拿魚鮫嘅肉質比較實淨，燒完之後，肉味更加濃郁而且充滿魚油香。加少少鹽同青檸已經好好味。🥣白蜆湯呢個白蜆湯飲落好鮮甜，蜆肉唔會煮得太老。飲落去好暖胃。🍚海膽炒飯（+98）飯炒得名乾身，海膽份量都唔少，每一啖飯都食到海膽，食落去好滿足，海膽控一定要試。🍎蘋果雪葩原隻蘋果上，好有驚喜，蘋果雪葩好清新，味道酸酸甜甜，食完之後成個人都涼晒。🧇朱古力窩夫朱古力味好香濃，配埋雪糕一齊食，真係一流。