泰海鮮 (Closed)

通常同同事食海鮮都係去鯉魚門，今次同事家人試了屯門三聖邨這間海鮮餐廳，於是推介，吃過後發覺調製味道不錯，上菜又快，就介紹一下，當天一行8個人，有人負責出去海鮮檔關財記買新鮮海鮮，我當然只係負責食同夾錢啦！白灼九節蝦，超正，雖然細細隻，但啲肉超彈牙爽口，同事話係呢到嘅推介，果然沒有錯！青山灣焗芝士龍蝦，平時食嘅方式通常上湯或芝士上，今次用了焗芝士，咁有什麼不同是，焗完較乾身，好香，當芝士面打開後，龍蝦肉仍然保持到肉質爽口彈牙，但可能芝士味較濃，龍蝦肉嘅鮮味有少少被芝士味搶走了，但喜歡濃味嘅味道嘅我，當然係超正呢！白酒忌廉煮花甲，好大隻，肉質彈牙，個白汁亦好好味，但又唔會搶走了花甲嘅鮮甜味道！重有大大隻嘅鹽水浸瀨尿蝦，有成隻手長咁長，通常用蒜爆香吃，今次又試了另一種原味，折殼塊肉都有隻手指公咁大，而肉質亦好彈牙鮮甜！同事重推介了一個海鮮湯，超鮮甜，材料有不同嘅細魚、瀨尿蝦、番茄、薯仔等材料煮成，用科十足！食開嘅同事去發板，加埋加工費，同飲汽水，每人都係$300左右，就可以食到嘅咁好味嘅海鮮，真係抵，除了遠了少少外，幸好跟同事車！