Mr. Crab by The Captain's House (Closed)

今日早放工，決定去灣仔附近搵啲好嘢食吓，慶祝吓happy Friday。見到灣仔原來都有captain海鮮餐廳既店，成日聽人講，真係未有機會試，今次一於去食下。呢度似乎係主打蟹肉，一黎就當然面叫個蟹餅。份量幾多，外皮炸脆得香口，蟹味幾出，配上面既醬好夾，入面蟹既成份都多，唔會好似有d餐廳只有面粉。呢點已經加唔少分。之後叫左羊架，一上菜已經聞到好香嘅羊味，非常期待。見到上面嘅薯仔粒真係驚喜，因為我好鍾意食呢一種切粒嘅薯仔！上面終於有蜜糖，好惹味。羊架嘅羊味都好出，肉質鮮嫩，出色。仲有條粟米都甜，呢度嘅食材唔錯！之後就叫咗個墨汁意大利飯，飯粒嘅口感控制得唔錯，醬汁好香濃，真係食到墨魚味道，令我聯想起之前喺意大利食嘅。最後以一個西班牙甜品作結，鬆脆既churros！滿足的一餐。