川吧 (Closed)

好耐無食烤魚🐟今次搵到間叫川吧嘅川菜館食🫰🏼叫左個麻辣味🌶️細邊（半邊魚）烤鯇魚$198，店員表示魚係即日新鮮剁同烤製，要煮10-15分鐘先食會比較好味，魚係烤出嚟而唔係一般炸出黎嘅👍🏼烤得好靚，外脆內軟，表皮帶點燒焦手香味，成條魚會比較香口嫩滑烤魚嘅配菜都幾豐富，有豬紅、蓮藕片，腐竹，芹菜等等，十分足料😋另外叫左兩個小食，涼拌魚皮$68同泡椒鳳爪$52，魚皮入口爽脆，夾埋木耳食都不錯～鳳爪好細心處理埋啲爪甲👍🏼 質感都爽口同新鮮，夠入味同夠辣🔥