叁不館

Open Now

Now Closed

入到餐廳，感覺好似穿越時空去返80年代的大牌檔咁，坐住木櫈，好有feel，仲有間房仔，私隱度高。湯底叫了「今晚卜卜蜆鍋」$198，湯底超鮮甜 ，先飲兩碗湯，又多蜆，每隻都漲卜卜，好多汁。見到有多款小食，所以都叫咗，而家打邊爐通常都有脆口小食，呢度有多款選擇，叫了椒鹽白鱔，外皮好脆口，魚香味加椒鹽更惹味。店員放低一大盤醬料，推介自家製蔥油，好香，仲有辣油辣椒，打邊爐必叫牛肉，叫了頂級安格斯牛頸脊（例）$268，切得較厚身，有嚼口，牛味濃，口感夠滑，好新鮮。驚見有田雞叫（$98），真係好少有，而且仲要即叫、即去皮上枱，上枱時還會輕微郁的。真係意想不到的新鮮，簡直係活田雞，不用烚太耐，啖啖肉，肉質爽口鮮甜。走時，都忍唔住再響門口欣賞獨特的裝飾，仲同教主紙牌打卡添。