Video
Read full review
2018-06-16
75 views
跟友人行完Ｋ－１１諗住去出面橫街睇下有咩食，就發現左呢間新開嘅丼飯專門。估唔到係適逄佢啱啱開張竟然有機會見到即劏藍鰭吞拿魚！真係行運！睇住師傅將成７０幾ＫＧ嘅吞拿魚擺上枱，再思考點將佢完美地切開，呢個過程已經賞心悅目了。一見師手起刀落，唔使幾分鐘就將魚頭取下。接着把刀無停過咁係魚身游走，好快就將魚脊分離。跟手就向魚腩開刀，一切開充滿油花比例適中嘅拿魚腩就出現了。大／中／小拖羅一覽無遺。師傅呢邊開完魚，嗰邊就將魚腩切片奉上！眼看拖羅直接送到上手，真係流晒口水。無論大拖羅／中拖羅都魚肉油香四溢，入口即融再慢慢滲出甘甜鮮味，赤身好鮮味即開即食就係零舍唔同。雖然最後無食丼飯，但同朋友都真係好行運食到咁鮮嘅刺身，下次黎尖沙咀又多一個真材實料嘅丼飯店喇！！
睇住師傅將成７０幾ＫＧ嘅吞拿魚擺上枱，再思考點將佢完美地切開，呢個過程已經賞心悅目了。
一見師手起刀落，唔使幾分鐘就將魚頭取下。接着把刀無停過咁係魚身游走，好快就將魚脊分離。
跟手就向魚腩開刀，一切開充滿油花比例適中嘅拿魚腩就出現了。大／中／小拖羅一覽無遺。師傅呢邊開完魚，嗰邊就將魚腩切片奉上！
眼看拖羅直接送到上手，真係流晒口水。
無論大拖羅／中拖羅都魚肉油香四溢，入口即融再慢慢滲出甘甜鮮味，赤身好鮮味即開即食就係零舍唔同。
雖然最後無食丼飯，但同朋友都真係好行運食到咁鮮嘅刺身，下次黎尖沙咀又多一個真材實料嘅丼飯店喇！！
Other Info. :
聽店員講即開吞拿魚唔係時時有，要撞啱返貨先有機會見到。
(The above review is the personal opinion of a user which does not represent OpenRice's point of view.)
Post
