築地日本料理 (金百利廣場)

Open Now

Now Closed

今日同朋友再嚟encore築地日本料理，發覺佢又轉左餐牌了，多咗個素食壽司定食，食素我就唔啱，不過我朋友都叫咗一set試吓。這個素心司一人前（ $98 ）都幾豐富，包括涼拌亞麻籽山藥丁、黑蒜和風海澡沙律、八件素壽司、竹炭杯一口冷麵，原本既紅豆冰卷無哂就改咗蜆肉。個set賣相都唔錯，我試咗一件素壽司，有塊芒果在面，其他壽司我朋友食完都唔知係咩😂，淨係話好似吞拿魚嗰個應該係蕃茄做的。我自己就叫咗「日式牛肉鍋烏冬」（ $68 ），有一隻生雞蛋和數片生牛肉，利用鍋既餘温將佢煮熟，所以唔會太老。烏冬滑溜。另外加錢要咗「茶碗蒸」（$15），呢個好好食，蛋蒸得好滑，而且調咗味好味，仲有一小口雞肉和蟹柳！推介！還有「芝士年糕」（$12），融化的芝士加上煙韌的年糕口感，都唔錯！飲埋杯餐茶夠哂飽！