燒蝦蝦 (金福閣） (Closed)

🔼一坐低職員就會講解點捉蝦蝦，點燒海鮮類食物，同調味、飲品、食物擺放係咩位置💁‍♀️都幾貼心，唔洗估估下🔼坐底急不及待就同朋友仔係流水缸夾大頭蝦，啲大頭蝦仲跳跳扎😆彈下彈下，幾好玩🔼呢到嘅蝦果然係招牌，蝦頭好多膏😆肉質鮮味彈牙，朋友話街市市價成百幾蚊一斤😍 任食當然要食多啲回本🔼自助食物區仲有唔少海鮮同肉類、甜品、熟食揀，我地主攻平時處理比較麻煩嘅海鮮類▶️原條黃立䱽、蠔、扇貝同海蜆🤤 每款都新鮮，所以簡單加鹽、蒜調下味就已經食得😚🔼 自助食物區有調味料拎，個人推薦泰式酸辣汁，個味調得啱啱好，酸辣解膩🔼呢到有得飲茶、果汁、汽水、啤酒、清酒、梅酒，種類都算多 ，仲有雪糕雪條食😆 我個人食咗好多枝咸蛋黃珍珠雪條，好奇特，入口咸咸甜甜又有粒粒咬口，估唔到雪條都做到咸蛋黃味🤣