Le Viet (Closed)

朋友介紹旺角銀行中心開咗間新的特式越南菜餐廳，今晚經開旺角就黎試下。餐廳門口較開放，幾易搵。椰青，$42,冰凍可口，飲落清甜，椰青味夠清新，係食濃味食物的好搭配。串燒，豬牛雞各一串，$56/3串，燒得顏色光澤吸引，食落夠濃味入味，肉質彈牙煙韌。咖哩炒大虎蝦，$168,咖哩汁用上蛋花一齊炒，特別香甜滑溜，煮得大蝦好入味，蝦味濃郁，肉質彈牙，可以用印式薄餅點咖哩汁一齊食，味道好夾。香茅燒烏頭，$173,原條咁燒，魚鱗都無清，一齊燒，原汁原味，入面塞咗香茅，蔥條等配料燒，令到魚肉吸收好多香味，魚肉更加鮮甜嫩滑。蒜蓉炒椰菜苗，$66, 新鮮爽脆，嫩綠色，咬落鮮入味。最期待的甜品拼盤，$108, 有熱辣辣剛蒸熟的綠豆椰汁糕，十分煙韌香甜，好有嚼勁，椰汁味香濃。芒果糯米飯有新鮮即切芒果，白糯米同紫米配搭好夾，撈埋椰汁一齊食好香甜。焦糖燉蛋，面有燒燶的焦糖面，咬落香脆美味，蛋香而嫩滑。