酥酥 (Closed)

葵廣愈開愈多間小食店，最近引入左新既特色小店 係最近由韓國傳入黎既「酥夫」😏為食既我緊係唔理千里迢迢咁黎品嘗位置方面都係推係小食區 附近有珍奶店等 食完口乾都有得飲野食物方面，依間賣既係變種窩夫🧇，講到明變種 ，緊係唔係用蛋漿做既咁普通啦， 依間係以做牛角包既漿黎制，即叫即整，價錢方面大概$23至$43不等。由於即叫即制 ，所以都預番大概5-15分鐘。 今次叫左肉桂蘋果酥酥（$38）。 蘋果蓉係即煲，都好新鮮。 由於前面有人叫關係 所以都好快食物到手。 食物份量細細份，唔好預會好飽。 味道方面，食落去口感其實冇牛角包咁脆，當然 都唔似蛋漿整既質感，比想像中普通。食得出新鮮蘋果味 不過唔係幾食得出肉桂味。