茶餐廳2.0 (Closed)

最近環境，都好少帶爸媽出街食飯，但最近屋企附近開左間新茶餐廳，應該叫高級啲的茶餐廳🍴😃餐牌上中式、西式都有，仲有特色甜品，雞蛋仔😍因帶爸媽食飯，我都係點番中餐就吓老人家。餐廳每日都有4/5款小菜套餐，有飯、有湯、仲有野飲，叫二款仲有青菜送，好經濟。我們點4款小菜，有菠蘿咕嚕肉、翡翠炒青斑球，南乳豆腐蒸豬頸肉，鮑魚雞煲。爸爸一向對食都好有要求，唔鐘意菜餐廳食小菜，佢話冇獲氣,但今晚對這幾款小菜都讚不絕口，鮑魚雞煲，上枱熱騰騰，鮑魚需係細仔啲😁但味道做到啫啫雞的味，好好食，翡翠炒青斑球，斑球絕不馬虎，真係斑魚炒的，肉質鮮嫩。媽媽最喜歡豆腐蒸猪頸肉，豆腐跟肉縮晒啲汁，又捻又滑，食足一大碗飯，送碟菜都夠份量，我覺得比大酒樓好食，但價錢比大酒樓平好多。媽媽好鐘意食甜品，就點左鮮果雪糕雞蛋仔，真係估唔到雞蛋仔可以做到咁脆邊，有雞蛋🥚香，而且咬落唔會真空，好食，值得一試😋。