發現一間新開但人氣熱爆既高質日本高級🇯🇵餐廳🍴！！門面望落已經夠哂大體，餐廳樓底好高，空間感夠大坐得舒服，仲有獨立廂房，同朋友傾計聚餐就岩哂！！
唔好以為價錢一定超貴🤔！
我就覺得價錢相當合理，而且無論賣相同味道都好高質添！影相打卡一流📸！
🍴人氣必點：金龍珠海膽吞拿魚蓉卷🍙
餐廳招牌自創手卷😍，全程可以睇住師傅即場製作，真係睇見都流哂口水！
原粒蛋黃，配上海膽，吞拿魚蓉，每種味道都非常濃烈，食落意想唔到既夾！夠哂邪惡🩷
🍸金酒杯🍣:
相當豐富既材料：海膽，吞拿魚蓉，三文魚籽，蟹肉🦀️。 層次分明，好鮮味😍，而且襯碟好靚🤭
（*點左金酒杯都會有一張刮刮卡，部份獎品仲可以即場使用）
粟米脆餅壽司🍣三文魚牛油果🥑：
呢個配搭都係第一次食到，夠哂特別。
放滿醬漬粒粒三文魚，夠哂味，唔需要再落豉油。加上牛油果🥑清新感覺，加埋脆脆粟米餅🫓一齊食，可以解膩👍🏻
金丼🍣月見海膽三文魚籽拖羅蓉：
好靚！粟相機食先😍！！
啲海膽好澎湃😍加上生雞蛋🥚好邪惡呀！
將蛋汁撈匀一齊食，真係太滋味！
味道鮮甜濃烈，海膽海水味極濃新鮮😍
除左刺身好味，熟食都好高質👍🏻
(推介🌟)自家製雞皮蝦：
雞皮包住大蝦🍤燒，索哂啲雞油，好正。大蝦鮮味又彈牙！
厚燒牛舌心:食落口感好爽而且肉汁juicy
西班牙豬肋條:油脂飽滿，食落幾嫩肉！
壽喜燒和牛鍋🍲：
睇到碟和牛咁靚😍真係好正😊油脂分布分明，淥幾下就食得，食落鮮嫩溶化😍牛味重，好味呀。
壽喜燒湯汁濃，令到啲配菜，粉絲豆腐都索哂啲味，食落好濃好味😋
餐廳好好，服務又好。知我地今日慶祝食飯，仲送左張即影即有相俾我哋紀念！🩷
