牛極 (大河道) (Closed)

今日要覆診，完事後就到附近醫肚仔，在周圍行一圈發現又有新血入境，睇真D先知原來係深水埗出名的石燒店進註，之前已經想同我的牛皇食，而家開到荃灣，咁就腳，一定要食啦~叫牛極，顧名思義係食牛啦~餐廳行自助式，先自行買票丶然後可以任食沙律丶湯同飯，咁既放題模式最平只要$80就可以食到啦，而且沒有加一！佢哋有六款Steak可選，除和牛得一個克數外，其他款也有三種克數可揀，滿足牛迷慾望。我地點咗牛肩肉眼180g同牛柳200g，等待時就出去拎醬汁、沙律丶湯同飯食住等，醬汁有兩款，自家製燒汁同辛辣燒汁，另有蒜蓉丶黑椒同岩鹽，而沙律亦可配芝麻醬或者柚子沙律醬，先說沙律，是椰菜絲和車厘茄，切得幼細且新鮮，配芝麻醬好味另外個日式牛肉湯也👌，像蕃茄什菜湯有牛香味，也有不少什菜湯料在內～大概十分鐘就已經送上肉眼同牛柳，＂沙沙＂聲不絕，仲會貼心蓋上廚紙，以免彈親食客牛扒以一成熟上菜，隨後可跟據自己喜好煎烤其熟度進食，完全可以自己掌握～肉眼肉質較實，牛味豐郁，沾上燒汁更是美味。牛柳就較腍軟，牛味更濃厚，而且好大舊~簡單灑上岩鹽同黑椒已經好好食，就以牛嚟講，價錢超值，而且徐咗牛類外，午餐有其他肉食選擇，平均＄50～＄