手拉麵小廚

Open Now

Now Closed

新蒲崗呢間餐廳專做上海料理，係我其中一間飯堂。佢最出名係手拉麵，故名思義，就係師傅即叫即拉，全部拉麵係人手拉出黎，企係舖頭出面已經可以欣賞師傅嘅手藝👏🏻人手拉嘅面真係愈黎愈少，所以一定要試，因為真係會一試愛上😍我每次都會點酸辣湯拉麵，份量超大！每次食完都超飽超滿足❤️❤️非常足料，有竹筍、冬菇𢇁、木耳𢇁、蛋花等等，食落酸酸辣辣，拉麵煙煙韌韌，口感十足。除左酸辣湯拉麵，我地亦都叫左回鍋肉炒拉麵，份量適中，用左青椒、豆腐、回鍋肉等料理去炒，咸淡適中，非常有穫氣，拉麵非常入味，每條都沾滿醬汁，令人回味無窮。想食手拉麵就記得要預早少少拎飛，由於係小店既關係，座位數目唔多，一到食飯時間就好多人係出面等位。