Video
Read full review
2022-08-19
13 views
喺大坑上咖啡豆烘培workshop, 附近咁多嘢食就梗係留喺大坑食啦~喺呢個日式嘢林立嘅地方見到間裝修好靚嘅潮州餐廳. 以前好鍾意食物潮州打冷但係都係偏大排檔mode, 但係呢間餐廳環境真係好舒服, 睇咗menu又好似幾吸引, 就梗係一試~🍱潮食六宮格 $168個賣相真係好吸引, 有皮蛋, 秋葵, 車厘茄, 豆腐, 酸菜仲有埋鵝肉!!! 全部冷盤真係好開胃. 我最鍾意個皮蛋同秋葵, 一個重口味一個清新, 但係無論係點樣嘅菜式, 佢都可以做到恰到好處.🐟潮州凍魚 $188我哋呢條係馬友, 有俾豆瓣醬我哋但係我覺得乜都唔點就咁食已經足夠, 食魚冇骨已經好開心, 佢嘅肉係我好鍾意嘅厚實嘅肉. 成件事好滿足. 🍝飄香滷味手工拌麵 $118其實個麵上嚟嘅時候我真係好擔心兩個人食唔晒. 但係個麵有味得嚟又完全唔膩, 手工拌麵真係彈牙, 我麻麻地麵食但係我都忍唔住食咗好多, 我個fd話一定要試潮州辣椒油所以問餐廳加咗辣椒油俾我哋. 如果有得買呢度嘅生麵我一定買!而且佢地鹵水係自家製㗎!🍗潮佬鵝片 $228潮州特色嘢好味係一啲都唔意外, 令我驚喜嘅係佢下邊舊豆腐都咁好味! 外皮少脆加埋好入味. 勁鍾意
喺呢個日式嘢林立嘅地方見到間裝修好靚嘅潮州餐廳. 以前好鍾意食物潮州打冷但係都係偏大排檔mode, 但係呢間餐廳環境真係好舒服, 睇咗menu又好似幾吸引, 就梗係一試~
🍱潮食六宮格 $168
個賣相真係好吸引, 有皮蛋, 秋葵, 車厘茄, 豆腐, 酸菜仲有埋鵝肉!!! 全部冷盤真係好開胃. 我最鍾意個皮蛋同秋葵, 一個重口味一個清新, 但係無論係點樣嘅菜式, 佢都可以做到恰到好處.
🐟潮州凍魚 $188
我哋呢條係馬友, 有俾豆瓣醬我哋但係我覺得乜都唔點就咁食已經足夠, 食魚冇骨已經好開心, 佢嘅肉係我好鍾意嘅厚實嘅肉. 成件事好滿足.
🍝飄香滷味手工拌麵 $118
其實個麵上嚟嘅時候我真係好擔心兩個人食唔晒. 但係個麵有味得嚟又完全唔膩, 手工拌麵真係彈牙, 我麻麻地麵食但係我都忍唔住食咗好多, 我個fd話一定要試潮州辣椒油所以問餐廳加咗辣椒油俾我哋. 如果有得買呢度嘅生麵我一定買!而且佢地鹵水係自家製㗎!
🍗潮佬鵝片 $228
潮州特色嘢好味係一啲都唔意外, 令我驚喜嘅係佢下邊舊豆腐都咁好味! 外皮少脆加埋好入味. 勁鍾意~
🥩閩式紅糟肉
碟餸一上嚟, 其實好擔心會好肥, 但係佢竟然完全唔會. 我仲要全部食晒!! 罪過罪過...
🥬時令時蔬 - 白菜仔
睇上去以爲係白灼, 但係食得出係浸過上湯, 就連個白菜仔都咁認真.
🥤可樂 + Soda Water
Post
