Video
Read full review
2013-02-25
18 views
Greyhound Cafe一直都久仰大名，九龍塘呢間仲要係十二月先新開既。今次有幸得到公關既邀請，試下呢條泰國過江龍既利害先！坐低一陣就即刻叫野飲啦，佢個menu好多選舉。自己最鐘意就係香蕉味既飲品，望左兩望，就要你啦──Pick You Up。Pick You Up－$56。呢杯個香蕉味唔係好出，反而西柚既酸甜味好清香！好有泰國既味道！哈哈！大家吹下水，飲下野，頭盤嘩咁快就送到啦！招牌脆炸單骨雞翼－$68。呢碟雞翼簡直就係為我而設，事關本人最鐘意食雞翼，但就唔識「輪」骨，所以次次都食得核核突突。今次單骨喎，對我就無難度！而且佢炸得好香好脆，熱辣辣好正呀！薄切三文魚配泰式辣汁－$98自己本身好食得辣，所以特別愛呢個，香草辣汁配上凍食三文魚，辣中有鮮味，可惜蒜頭片太大粒影響左口感！特色家鄉羊肉串－$88食呢個羊肉串個陣已經係凍凍地，可能擺太耐攤凍左，食左半淡已經無食。。。淨係頭盤都食左三款啦，之後到我期待既主菜！泰式銀魚柳意大利麵－$98一開始見到幾隻乾椒放上面，第一感覺－好鹹呀！但就一d辣味都無。但鹹得黎好香，好想一食再食。泰式炒螺絲粉－$98呢碟fusion得好正呀！不嬲都食開泰式
坐低一陣就即刻叫野飲啦，佢個menu好多選舉。自己最鐘意就係香蕉味既飲品，望左兩望，就要你啦──Pick You Up。
Pick You Up－$56。呢杯個香蕉味唔係好出，反而西柚既酸甜味好清香！好有泰國既味道！哈哈！大家吹下水，飲下野，頭盤嘩咁快就送到啦！
招牌脆炸單骨雞翼－$68。呢碟雞翼簡直就係為我而設，事關本人最鐘意食雞翼，但就唔識「輪」骨，所以次次都食得核核突突。今次單骨喎，對我就無難度！而且佢炸得好香好脆，熱辣辣好正呀！
薄切三文魚配泰式辣汁－$98自己本身好食得辣，所以特別愛呢個，香草辣汁配上凍食三文魚，辣中有鮮味，可惜蒜頭片太大粒影響左口感！
特色家鄉羊肉串－$88食呢個羊肉串個陣已經係凍凍地，可能擺太耐攤凍左，食左半淡已經無食。。。
淨係頭盤都食左三款啦，之後到我期待既主菜！
泰式銀魚柳意大利麵－$98一開始見到幾隻乾椒放上面，第一感覺－好鹹呀！但就一d辣味都無。但鹹得黎好香，好想一食再食。
泰式炒螺絲粉－$98呢碟fusion得好正呀！不嬲都食開泰式炒金邊粉，但轉左做螺絲粉原來都好夾喎！而且係幾種唔同顏色既螺絲粉混合左，煮既時間唔會過長搞到淋哂，煙煙韌韌好有咬口。
水牛芝士漢堡－$128賣相幾特別，但係肉質超鞋，如果火喉再調較得好d應該唔錯！但係佢旁邊個薯條真係一流，薯仔肉飽滿。
迷你三色漢堡－$138
呢個三色漢堡真係唔試唔得啦。除左有傳統既煙肉芝士之外，仲有青瓜同士多啤梨。用士多啤梨夾漢堡真係玩味十足，難得有機會梗係要試下啦。好新奇，唔係傳統漢堡既味道，不過是否相配就見仁見智啦。同樣，薯角都係好好食，炸得剛剛好！
Roast Beef Panini －$118
呢個我就無試到啦，因為分唔到，但聽大家講牛肉相對juicy，評價唔錯！
食完一大輪主菜，本身都以為自己無位食甜品，但見到係我最鍾意既椰子，即刻醒神哂！！
芒果糯米飯－$68
芒果糯米飯係我每次去泰國都一定食架！今次竟然係度都食到，而且仲要係超好食！下面個椰子雪葩，入口即融，再加埋芒果同糯米飯，簡直絕配。
Fresh Coconut Crepe Cake－ $68呢個又係驚喜之作！本身已經好香椰子味，裡面竟然仲有椰肉，而且好新鮮，一d都唔覺得膩。
Mix Berry Crepe Cake－$58
因為自己實在太鍾意食椰子味既野啦，搞到呢個有少少失色。但berry酸酸地好開胃，而且賣相都好好睇！
Other Info. :
總括黎講，今次真係大滿足。頭盤、主菜、甜品、飲品，每樣都睇得出好用心去做，期間仲遇上一個好識搞氣氛既服務員，令呢次既晚餐更快樂！
(The above review is the personal opinion of a user which does not represent OpenRice's point of view.)
Post
