Greyhound Café (又一城)

Open Now

Now Closed

一個野菌Pad thai要等同臺同事食晒嘢先上😀第一次問話兩分鐘 第二次問話好快炒梗 。跟住見到7個 pad thai 俾左其他遲過我來嘅客人，都未到我。再問話廚房優先幫你炒，半個鐘先講哩句，搞笑啊？個侍應仲話廚師要炒左鮮蝦pad thai 先，我個野菌pad thai 擺埋一邊等炒。是推搪。我等左25分鐘問左起碼三次先同我講個廚房仲未整；一間泰國高級係咁樣對待客人，一個鐘lunch 要等半個鐘，真係越講越勞氣…係九龍塘高級餐廳大把選擇。你兜野菌pad thai 真係好矜貴，time cost 真係佔9成。以後都唔會再幫襯。 因為service 太差唔記得focus講哩樣，佢廚房張order 紙可以直接放係野食上面超唔衛生。前段可能係個人體驗，但係哩樣野真係相信大家都接受唔到。

我就講得直接啲，我自己一個去咗食呢間，嗌咗個penne al pomodoro，味道係接受到嘅都，味道非常普通，但係cp值低($118)職員唔友善，態度同埋禮貌欠佳，唔係好識同顧客溝通，feel到佢哋係冇完全心機認真理啲客人講咩😂上餐速度非常慢，不過都明因為我嗰碟意粉需要焗，但係個慢嘅程度係香港人嘅都應該接受唔到，我冇試過喺餐廳等上菜等到差啲瞓着，叫個職員跟一跟我個order佢嘅態度都係好敷衍，我講嘢佢都唔回應間嘢嘅空氣唔流通，超焗，我一路食一路要用手拎風扇（6月）如果啲嘢食嘅味道唔ok我係唔會想俾錢囉即係咁講

母親大人和我二人同是泰菜的愛好者，剛巧我們在又一城逛街的時候看到”Greyhound Cafe”餐牌上的泰國菜相當不錯，於是便決定到此用膳。這裏環境舒適，餐廳內又掛上不少燈泡，令整體氣氛都帶點浪漫，還有卡座提高私隱度。脆炸粟米蟹肉配甜酸醬滿滿的粟米配上鮮味十足的蟹肉就已經很美味，經過脆炸後口感一流，再配以甜酸醬一起吃，甜甜酸酸非常開胃，多吃一點也不覺得膩！泰式蠔仔煎蛋配甜酸醬蠔仔煎蛋香氣四溢，充滿蛋香味之餘，又吃得到蠔味濃郁的蠔仔，兩者匹配得宜，配上甜酸醬一起吃則更上一層樓！黃咖喱大頭蝦單看黃咖喱大頭蝦的賣相未必是很吸引，但吃上去咖喱味香濃，不論是配飯還是配薄餅一起吃都是一絕，加上大頭蝦沾滿了黃咖喱那份濃郁，吃上去都特別惹味，再者大頭蝦亦非常爽彈鮮甜，難怪我們都吃過不停！泰式牛肉、牛丸及牛筋船麵這船麵的份量十足之餘，湯頭濃郁得來帶點香甜和微辣，越喝越美味！牛筋軟腍、牛丸爽彈又帶點肉汁，兩者再配上泰式牛肉和船麵一起吃的確是美味又可口！最後，這裏的食物份量十足，不論是食材還是味道都相當有質素，所以喜歡泰國菜的朋友也不妨前來用膳。

主打新派泰國菜式, 有泰式咖哩🍛、泰式小食、船麵, 卡位寬敞舒適, 空間感十足！🥢泰式海鮮沙律 有大蝦🦐、帆立貝、魷魚🦑、煎三文魚, 配上新鮮又清爽嘅沙律菜底, 旁邊附上泰式特調酸辣醬, 酸甜適中, 令人開胃！🥢泰式蟹肉奄列 上面有蟹肉, 奄列煎至金黃色, 煎得啱啱好, 邊位微脆香口, 食落好香蛋味, 蘸少少微辣醬汁更惹味！🥢越式鮮蝦雞肉米紙卷 裏面包住鮮蝦🦐、雞肉、生菜🥬, 米紙卷口感柔韌, 清新涼快！🥢鮮魚露炒生菜生菜新鮮翠綠, 有魚露嘅香

又一城L2 GREYHOUND CAFE 轉上全新menu，路線依然新派fusion 泰菜，帶點近期Thai cafe 最興西餐元素🔸青咖喱海南雞 $128 配印度薄餅 海南雞同青咖喱都成日食，兩樣mix埋就未試過！感覺都幾有趣！🔸曼谷牛肉及牛肉丸船麵 $98 船麵份量好足，有多款麵條可供選擇～牛肉生熟度剛好，湯頭非常濃郁～ 另有一款係牛腩🔸脆脆炸蝦餅 $98同平時食到的口感不一樣，雖然無平常的彈牙，但有蝦肉鮮味🔸泰式海鮮沙律 $128 最喜愛的一道前菜，滿滿海鮮配上泰式風味醬汁非常清爽惹味，有魷魚、蝦、帶子、煎香過三文魚肉、蟹肉特勁豐富！一道開胃前菜

位於九龍塘的「Greyhound」分店，環境時尚舒適，讓人感覺很放鬆。 泰式木瓜青木瓜沙律味道酸酸辣辣，青木瓜的口感特別清脆，非常開胃，真係好適合熱天食用！菠蘿海鮮炒飯炒飯用原個菠蘿盛著，菠蘿新鮮多汁，海鮮有大蝦🍤墨魚🦑等，同菠蘿的酸甜味完美融合，再加上腰果，口感層次升級，可以一試。泰式香葉肉碎香辣味非常醒胃，肉碎搭配香葉，充滿驚喜，生菜包著肉碎，清新去膩！ 鐵板肉眼扒配炒雜菌、燒蒜在鐵板上熱辣辣，肉眼扒的肉質鮮嫩，搭配炒雜菌和燒蒜，味道香濃，令人回味。

唔知點解第一次俾依個食評時話我享用咗款待或試食而未能刊登，但明明我真金白銀俾足錢，好彩支付寶仲有紀錄！有事由屯門出九龍塘，兩點半兩個人叫了兩個餸，食物質素差咗好多，拼盆啲食物一啲都唔熱，雞翼硬又冇乜肉，春卷就淋晒，坐咗兩個鐘完全冇人幫我哋添過水，坐喺商場位置又有小飛飛偷食我哋啲嘢，性價比極低！

Thai Express Lunch $138有Appetizer, Main 同餐飲Appetizer有湯有沙律選擇，揀咗沙律，菜係新鮮有水份嘅啖啖蟹肉黃咖喱飯 （+$28）蟹肉份量都唔算少，最精彩係個黃咖喱，係有蛋嘅黃咖喱，好味，飯都要讃，比較乾身，配黃咖喱一流😋香辣金不換牛肉飯牛肉味濃，夠腍，加咗金不換好有泰國風味鮮蝦炒金邊粉雖然其貌不揚🤭不過同喺泰國食嘅差唔多，都唔錯，有鮮蝦又有蝦亁，鮮蝦仲幾爽㖭Greyhound Style Iced Lemon Tea / Thai Iced Coffee環境舒服，玻璃天幕，座位闊落，店員細心又有禮貌，好食又抵食嘅午餐

同小朋友去咗 #又一城Greyhound，真係食咗好正嘅泰國fusion菜！🍽️我們選咗 Set lunch先飲咗碗香濃嘅蘑菇忌廉湯，味道滑順，暖心又暖胃！🥣 接住就係泰式牛肉牛丸湯河，河粉吸咗湯汁，牛肉超嫩，好滿足！🥢再來就係鮮蝦帶子墨魚汁麵，色澤靚到爆，味道亦一流！🥳 香煎牛柳粒配蒜香汁，每一口都超級入味，讓人回味無窮！🥩 仲有泰式炒通菜，清新又爽口，完美搭配！🥬最後，試咗招牌手打檸檬茶，酸酸甜甜，解渴又提神！🍋 仲有 Pink cooler，混合咗西瓜🍉、橙🍊同菠蘿🍍，真係好清爽！✨整體感覺就係好開心，食得又好味，最緊要同小朋友一齊享受呢個美好時光！❤️

記得以前第一間Greyhound開嘅時候喺IFC已經成日去食單骨雞翼同埋泰菜估唔到依家已經開到周圍都係分店係又一城想食晚餐呢度都係一個比較好嘅選擇除咗有泰式小食主菜連鐵板，火鍋都有越嚟越多選擇今日口痕試咗個ribeye鐵板港式風味，加入泰式醬汁一樣好食特別係側邊嘅蘑菇配菜好入味另外芒果無骨鳳爪呢個我都覺得超抵食只係$78有一大嚿原個芒果切粒加上鳳爪同埋沙律菜配搭咗唔同嘅herbs同埋洋蔥加埋蝦片全部撈埋一齊食，口感層次超豐富嚟到呢度當然唔少得食泰式炒麵飯豬肉炒河都係必點最後當然唔少得不同嘅特色飲品包括呢杯fruity shaky yogurt好味又健康

Greyhound 越式鮮蝦雞肉米紙卷傳統嘅特色越南米紙卷可以作為前菜或side dish，新鮮爽口，蝦肉鮮甜，雞肉嫩滑，搭配新鮮嘅生菜同香草，口感層次分明。感覺低卡又健康，而且十分開胃。泰式燒羊架配黃薑飯羊架多汁肥美，經過炭火燒烤，外焦內嫩，肉質更鮮美。黃薑飯味道香濃，飯粒鬆軟，吸收咗羊肉嘅精華。整體突出濃郁嘅泰式風味，令人回味無窮。鮮蝦帶子墨魚汁麵黑色嘅墨魚汁麵色澤誘人，墨魚醬汁味道突出。鮮蝦同帶子口感彈牙，味道鮮甜，加上墨魚汁嘅濃郁搶眼，賣相份外吸引。招牌千層蛋糕Original原味 - 蛋糕層次分明，奶香濃郁，口感輕盈。每一層都能感受到奶油嘅細膩，經典出色。Matcha 抹茶 - 抹茶嘅微微苦香同奶油嘅甜味完美融合，帶來清新獨特嘅感覺。對於抹茶控，份外難以抗拒。泰式涷咖啡泰式涷咖啡冰涼可口，咖啡香味濃郁，甜而不膩，尤其適合夏天，冰凍解渴。泰式涷奶茶泰式涷奶茶甜香撲鼻，茶香同奶香結合，口感滑順，更帶有微微嘅香料味，泰式奶茶比港式奶茶甜，帶出唔同嘅風味同新鮮感。特別鍾意餐廳為於又一城頂樓，引入自然光，望出窗外面係城市中嘅山境，份外寫意。

週末到又一城覓食，找到來自曼谷以時裝為主打的咖啡廳跟其餘分店同樣走型格路線，但增加了意式元素空氣通爽，環境寬敞，空間感十足，很多打卡位西式裝修泰國風味，是一班朋友相聚的好地方黑蘑菇忌廉湯濃郁香滑，內有粒粒蘑菇肉，味道豐富鐵板肉眼扒配炒雜菇及燒蒜外焦內嫩，更加突出肉香泰式滷水鴨湯河粉湯頭好喝，鴨脾粗壯有份量，啖啖肉Innocent Voyage滿滿香橙、西柚及菠蘿的清香新鮮椰子水Fresh Coconut Juice清甜爽口，解膩一流

平時都會同小朋友去食佢哋鍾意嘅主題餐廳，之前見到有水怪立即同佢哋去食，先講價錢我覺得呢間既價錢都算幾抵食，如果只係小朋友嚟識相信佢哋都畀得起錢，再講埋個賣相整出嚟都幾得意，小朋友開心到飛起🥰食，然後再講埋食物..小朋友最鍾意食既就系個包..如果份量可以再大d會好D🤣其次個芒果飯..真系會食唔停口..重有杯野飲可以發光都幾靚.整體嚟講都算唔錯，不過如果有多啲款式揀可能會開心啲再講埋個餐廳環境，我覺得好舒服..周圍都有打卡真係好靚

為響應留港消費阿女在網上找到呢間餐廳， 抱著試試的心態一行四人去吃午餐， 看上去環境都唔錯， 每人點了一份食物， 我叫的是牛扒餐（ 當時要求五成熟）， 上賽事居然是well done 看見一塊又乾又硬嘅牛扒已經一肚氣， 於是叫侍應過來幫我更換， 殊不知他的態度是非常差👉🏼居然黑口黑面！ 好似我做錯事咁！ 換個牛扒之後亦都唔見得是五成熟……不過算了吧！ 其他食物亦都不算得好吃！ 結帳時也是黑口黑面！ 一點禮貌都沒有！ 全店嘅員工都係黑口黑面，所以想投訴都冇用！ 亦都唔見得佢對其他顧客好有得去邊！ 一句講曬 → 永無下次！想人哋喺香港消費，唔該你哋檢討下！！！！

未食過一間greyhound係咁難食！點咗一份海南雞飯，啲海南雞明顯係翻熱，雞背脊都可以硬到似雞胸肉，仲要勁乾！ 啲醬都放咗好耐，甜豉油個面都已經結塊！泰式辣醬都乾！無黃油飯又唔講聲，直接配白飯落去！ 成個餐得個湯係正常少少。另外點咗一份啖啖蟹肉黃咖哩飯，啲咖哩稀到似水，無味可言！ 去過好幾間greyhound, 呢一間真係最差最差！ Menu一堆售罄，選擇已經唔多，出黎既野食質素都可以咁差，唔會再幫襯呢一間greyhound!