蕎麥茶-有別一般酒樓，提供既係蕎麥茶，感覺新鮮特別。
點左一個下午茶set,包一款點心，一款飯或麵，一杯飲品（$58），我就選左蝦餃、蟲草蒸雞飯加一杯豆漿。
豆漿-欣賞呢杯甜味適中，唔會話好甜，唔錯
蟲草蒸滑雞飯-食落就好似飲緊一碗老火湯，可能係有蟲草花既關係，食落都可以。
蝦餃-size算大隻，可惜既係皮包得有少少厚，唔算好食。
黑金流沙包-好食，蒸出黎熱辣辣，亦做到有流心效果，流沙包黎講算合格啦！
雞絲粉皮-呢個算普通，唔算好食，以價錢黎講（$58），我覺得係唔值，唔推介各位食啦。
大良鮮奶脆網卷-算係呢餐入面最好食既選擇，真係做到外脆內暖，而又食到鮮奶既香滑，值得各位叫黎食
總結:呢餐因為係下午茶，全單有八折，二百蚊唔哂就得，銅鑼灣黎講算係咁啦。環境方面，其實都唔錯，可以坐邊邊既卡座，邊望住銅鑼灣既景色邊享受下午茶，十分寫意。至於食物方面，有好食既選擇，但整體一般，下次再黎呢頭食又唔會話諗起呢間，試一次都可以啦…
